تورکیه و ایران یاخین دورده یئنی بیر گئوسیاسی مباریزه‌یه باشلایاجاق.

Axar.az خبر وئریر کی، بو باره‌ده «نشنل اینترست» (نی) نشری یازیب.

نشرین ملی تهلوکه‌سیزلیک اوزره دپارتامنتینین رداکتورو، آمریکا حکومتینین مختلف قوروملارینا خاریجی سیاستله باغلی توصیه‌لر وئرن براندون وایخرت کنگرس‌ده‌کی رسپوبلیکاچیلار آراسیندا تورکیه-ایران قارشی‌دورماسی ایله باغلی ادعالارین مذاکره ائدیلدیینی قید ائدیب.

ادعایا گؤره، رسپوبلیکاچی کنگرسمنلرین بعضیلری تورکیه و ایران آراسیندا یاخین دورده عراق‌دا قارشی‌دورما باشلایاجاغینی دوشونورلر. آمریکالی سیاستچیلر حساب ائدیرلر کی، تورکیه عراق‌دا ایرانین تأثیر زوناسینی کشفیات باجاریقلاری ایله آزالداجاق و بو، قارشی‌داکی ۱۰ ایل عرضینده یاخین شرقین شمالینی یئنی توقوشما میدانینا چئویره بیلر. آمریکادا بو مباریزه‌نین غالیبینین تورکیه اولاجاغی پروگنوزلاشدیریلیر.

کنگرس کولیسلرینده‌کی مذاکره‌لر تورکیه‌نین سورییا و عراق‌دا ایرانین اساس گئوستراتژی رقیبینه چئوریلدیی یؤنونده‌دیر.

«تورکیه سون گونلر سوریا حاکمیتینین ده دستیی ایله شمال‌داکی کوردلری (پ.ی.د/ی.پ.گ ترورچولاری-رئد) سیخیشدیرماغا چالیشیر، بو استقامت‌ده حربی عملیاتلاری اینتنسیولشدیریب. ایران بؤلگه‌ده‌کی کورد گروپلاشمالارینا دستک وئرمیر، چونکی اؤزو ده کورد پروبلمی ایله اوز-اوز‌دیر. لاکین تهران تورکیه‌نین بؤلگه‌ده‌کی حربی عملیاتلارینین کورد گروپلاشمالارلا محدودلاشمایاجاغینی، عراق‌دا ایرانین دستکلدیی شیعه میلیس (شبه نظامی) گروپلارینین دا هدفه چئوریلجیینی آنلاییر»، - نشر یازیر.

نشر منبع‌لرینه استناداً قئید ائدیر کی، عراق تورکیه‌نین دستکلدیی گروپلارلا ایرانین دستکلدیی گروپلار آراسیندا قاینار مناقشه اوجاغینا چئوریلمک اوزره‌دیر.

کونگرس اوزورینی حاضرلادیغی حساباتلاردا بیر مقاما خصوصیله دقت چکیلیر: «سون ۲۰ ایلده میت ایران ماساسینی تمامیله دییشدیردی. ایران و تورکیه آراسیندا امکداشلیق بیاناتلارینا باخمایاراق، آرخا فوندا گئوسیاسی رقابت وار. تورکیه عراق‌داکی گوجونو گئنیشلندیرمکله تهرانی ۱۹۷۹-۲۰۰۳-جو ایللری احاطه ائد‌ن «اؤلکه سرحدلریندن کنارا چیخماماق» کونسپتینه قاییتماغا مجبور ائتمک ایستییر. لاکین تورکیه و ایران آراسینداکی قارشی‌دورما یاخین شرق‌ده هله هئچ کیمین غالب اولمادیغی عراق‌دا شدت‌لنرسه، آنکارا غالب اولاجاق. تورکیه ایران داخیلینده‌کی مخالفلری بئله دستکله‌یه‌رک، تهران رژیمینی چؤکدورمه‌یه چالیشاجاق. قارشی‌داکی ۱۰ ایل عرضینده یاخین شرقین شمالیندا گئوسیاسی تارازلیغی تورکییه-ایران قارشی‌دورماسی معین ائد‌جک».