جنوبی قفقاز اؤلکه‌لری یالنیز بؤلگه‌نین عنعنوی ائتنیک مناقیشه‌لرینی آرادان قالدیرماق و تام امکداشلیق ائتمکله اوزلشدیکلری تهلوکه‌لری نیتراللاشدیرا و سووت اتفاقی داغیلاندان اعتباراً آرزولادیقلاری ثابتلییه چاتا بیلرلر.

دیاسپورلا ایش اوزره دولت کمیته‌سین‌دن Axar.az-آ وئریلن معلوماتا گؤره، بو باره‌ده اسرائیلین سابق رابطه، پیک و کیبرتهلوکه‌سیزلیک ناظری، اقتصادی صلح مرکزینین پرزیدنتی، تانینمیش سیاست‌چی و پولیتولوگ آیوب کارا کانادانین پوپولیار «THEJ.CA» نشرین‌ده درج اولونموش مقاله‌سین‌ده یازیب.

«جنوبی قفقاز اوچون تهلوکه‌لر» باش‌لیق‌لی مقاله‌ده گؤستریلیب کی، جنوبی قفقاز اؤلکه‌لری امکداش‌لیق ائتسه‌لر یئرلشدیکلری رگیونا نظارتی گوجلندیرمک، ائلجه ده صلح و ثابت‌لییه نایل اولماق اوچون لازیمی گئوسییاسی تارازلیغا نایل اولا بیله‌جکلر. تهلوکه‌سیزلیک مسئله‌لرین‌ده آذربایجان، گرجستان و ارمنستان، اقتصادی ساحه‌ده آذربایجان، تورکیه و گرجستان، حتی تورک دولتلری تشکیلاتی کیمی سیاسی بیرلیکلر سون نتیجه‌ده جنوبی قفقاز اؤلکه‌لرینین ماراقلارینین خارجی گوجلرین ماراقلارینی اوسته‌له‌مه‌سینه گتیریب چیخاراجاق.

قید اولونوب کی، آمریکانین گلوبال مناقشه‌لردن چکیلمه‌سی جنوبی قفقاز کیمی رگیونلاردا گئوسییاسی گرگین‌لییی آرتیراراق گوج بوش‌لوغو یارادیب.

جنوبی قفقازا گئوسیاسی آسپکت‌دن باخساق گؤرریک کی، آوروپا و آسیانین تجارت یوللاری و دهلیزلری آراسیندا یئرلشن بو حیاتی اهمیت‌لی بؤلگه‌ده بیر چوخ سیاسی قوه‌لر غربله بیرلشمه‌یه جان آتیر. سابیق ناظر ارمنستانین «غربه یاخینلاشماق» ایستیینه باخمایاراق خارجی سیاستینین گووه‌ن دوغورمادیغینی وورغولاییب. بونا گؤره ده آرتیق اونو مدافعه ائتمک اوچون هئچ بیر غرب دولتینین «اللرینی چیرکلندیرمه‌یه» حاضر اولمادیغینی بیلدیریب.

یازیدا همچینین قید ائدیلیب کی، روسیا بؤلگه‌ده اؤز تأثیرینی ساخلاماق‌دا ماراقلی‌دیر، تورکیه آذربایجانلا سیخ امکداشلیقدان فایدالانماق ایستییر، فرانسا بیرمعنالی اولاراق ارمنیلره دستک وئریر، ایران ایسه پوسقودا دوروب اویغون مقام گؤزلییر. بئله بیر وضعیت‌ده بیر نئچه گوج سؤزوگئدن جغرافیایا بیر-بیرینه قارشی مداخله ائتمک قرارینا گلرسه، بو، خاوس و سون‌سوز مناقشه‌لرله نتیجه‌لنه‌جک. بو معنادا جنوبی قفقاز اؤلکه‌لرینه خصوصاً ده ارمنیستان و آذربایجان آراسین‌دا باش وئرمیش ایکینجی قاراباغ محاربه‌سین‌دن سونراکی دؤورده ان آرزوولونماز شئی غیری-ایستابیل‌لیک‌دیر.

مقاله‌نی اطراف‌لی شکیل‌ده آشاغی‌داکی بو لینک‌دن اوخوماق ممکن‌دور.