بیلدیینیز کیمی، ناخچیوان قدیم آذربایجان تورپاغیدیر. آنجاق آرتیق بیر عصردن چوخ‌دور کی، آذربایجانین اساس حصه‌سیندن آیریلیب. بونون سببی اوندان عبارتدیر کی، آذربایجان خالق جمهوریتی ۱۹۲۰-جی ایلده سقوط ائد‌ندن بئش آی سونرا سووئت حاکمیتی غربی زنگزورو آذربایجان‌دان آییریب ارمنیستانا بیرلشدیردی و بئله‌لیکله، آذربایجانین اساس حصه‌سی ایله اونون آیریلماز حصه‌سی اولان ناخچیوانلا قورو باغلانتیسی پوزولوب.

Axar.az خبر وئریر کی، بو فکرلری پرزیدنت ایلهام علیئو ایغدیر-ناخچیوان گاز کمرینین ویدئوباغلانتی فورماتین‌دا آچیلیشین‌دا چیخیشیندا سسلندیریب.

«بیر عصردن چوخ داوام ائد‌ن بو عدالتسیزلیک ناخچیوان‌دا یاشایان بیزیم سویداشلاریمیزین حیاتینا چوخ منفی تأثیر گؤسترمیشدیر. خصوصیله بیرینجی قاراباغ ساواشی باشلایان کیمی ارمنیستان قاراباغی اشغال ائتدی و عینی زمان‌دا، ناخچیوانی بلوکادایا آلدی. اونلارین پلانلاری ناخچیوانی دا اشغال ائتمک ایدی. آنجاق او زمان منیم آتام حیدر علیئو ناخچیوانین رهبری کیمی بونا امکان وئرمه‌دی و ناخچیوانی قوروماق اوچون بوتون ناخچیوان‌لیلار سفربر اولدولار، اؤز دوغما تورپاقلارینی قورودولار و اشغالچینی یئرینده اوتورتدولار.

ناخچیوانین او زمان اشغال آلتینا دوشمه‌مه‌سینین سببلریندن بیری ده او ایدی کی، او زمان ناخچیوانی تورکیه ایله بیرلشدیرن «امید» کؤرپوسو انشا ائدیلمیشدیر و تورکیه‌دن گلن یاردیملار ناخچیوانین قورونماسینا چوخ اؤنملی تحفه وئرمیشدیر»، - علیئو قید ائدیب.