ایران‌دا چوخ گرگین، بلکه ده «دهشتلی» دئیه بیله‌جه‌ییمیز پروسسلر باش وئریر.

بو سؤزلری Axar.az-آ آچیقلاماسین‌دا پولیتولوق قابیل حسین‌لی ایران‌دا اقتصادیات و مالیه ناظری عبدالناصر همتینین ایمپیچمنتین‌دن سونرا جواد ظریفین ویتسه‌-پرزیدنت وظیفه‌سیندن استعفا وئرمه‌سی حاق‌دا دانیشارکه‌ن دئییب.

پولیتولوگ بیلدیریب کی، بو مقام‌دا پزشکیانین استعفا وئردیی حاق‌دا غیری-رسمی اینفورماسیانین یاییلماسی تصادفی دئییل:

«بیر مدت اؤنجه مسعود پزشکیان تهران‌دا کئچیریلن تبریز مدنیت هفته‌سینده آذربایجان شاعری محمدحسین شهریارین شعیرین‌دن ایکی بند اوخوموشدو. بو زمان اونا خبردارلیق ائدیلدی و پرزیدنت شعرین آردینی دئمیی دایاندیردی. پزشکیان تدبیردن سونرا دولاییسی ایله بیلدیردی کی، اؤلکه‌ده پرزیدنتین هئچ بیر حقوقو-صلاحیتی یوخدور و اونا دوشوندویو هئچ نیی حیاتا کئچیرمه‌یه امکان وئرمیرلر.

بو گون ایران‌دا ایکی حاکمیت‌لی‌لیک وار و اصلینده «گؤرونمه‌یه‌ن» حاکمیت – سپاه - داها گوجلودور. بونا گؤره ده دوشونوره‌م کی، پزشکیان استعفا باره‌ده یاخین اطرافینا تئز-تئز دانیشیر. او، وظیفه عاشیقی دئییل، اونا گؤره ده استعفا وئره بیلر».

پولیتولوگ علاوه ائدیب کی، اصلینده ایران‌دا اقتصادی-سیاسی گرگین‌لیک گؤروندویوندن قات-قات درین‌دیر:

«نظره آلماق لازیم‌دیر کی، اسرائیل ایرانین نووه مسئله‌سینده دیرنیشین‌دن استفاده ائدیر. ماقاته ده آردیجیل اولاراق ایرانین نووه سلاحی استقامتین‌ده ایرلیلدیینی و اورانی زنگینلشدیرمه‌سیندن ناراحات‌لیغینی بیلدیرمکده‌دیر. بو، اسرائیلین ادعالارینا حاق قازاندیریر. دیگر یاندان ایسه ایران دینی لیدری علی خامنه‌ای آمریکا ایله پزشکیان حکومتینین دیالوگا گئتمه‌سینه امکان وئرمیر. بونو دا پزشکیان آچیق شکیلده پارلامنت‌ده اعتراف ائتدی. هم داخلی اقتصادی گرگینلیک، هم ده ایران اطرافین‌دا حالقانین دارالماسی سیاسی حاکمیت‌ده بحرانی درینلشدیریر. پزشکیان وئردیی وعدلری یئرینه یئتیره بیلمیر: آمریکا و آوروپا بیرلییی ایله دانیشیقلارا گئدیب، سانکسییالارین یومشالدیلماسینا دا نایل اولا بیلمیر، داخلی اصلاحاتلار دا آپارماغا امکان وئریلمیر. بو ایسه جدی نتیجه‌لره گتیریب چیخاراجاق».