پوتینین علیئوه بیرباشا یوخ، لوکاشنکو و امامعلی رحمانلا بیرلیکده زنگ ائتمه‌سی ایکی سبب‌دن قایناقلانیر.

۱. ممکون‌دور کی، مسکوادا علیئوین غلبه پارادیندا اشتراک ائتمکدن امتنا احتمالی دیرلندیریلیب، خصوصیله طیاره‌نین وورولماسی بحرانی فونوندا.

۲. پوتین طیاره‌نین وورولماسی ایله باغلی ایلکین حساباتین درجیندن سونرا علیئوه زنگ ائتمه‌ییب: پارادا دعوت مقصدیله زنگ ائتسیدی، الیئو مذاکره‌لرده طیاره مسئله‌سینه ده توخوناجاق، باکی‌نین حاقلی طلبلرینی یئنی‌دن ایر‌لی سوره‌جکدی؛ آذربایجان لیدرینین پاراددا اشتراکینی ایسته‌یه‌ن پوتین بو مسئله‌ده مثبت ایرلیلییشین اولاجاغینا دایر ان آزی معین سؤزلر وئرمه‌لی ایدی؛

روسیا پرزیدنتی طیاره مسئله‌سینین گونده‌مه گلمه‌مه‌سی اوچون علیئوه لوکاشنکو و رحمانلا بیرلیکده زنگ ائتدی. علیئو پاراددا اشتراک ائدجه‌یینی بیلدیریب. بو، طیاره‌نین وورولماسینا گؤره آذربایجانین روسیادان گؤزلنتیلرینی پوتینله بیرباشا تماس‌دا گونده‌مه گتیرمک امکانی یارادیر. حتی علیئو عکس گئدیش ائده، پوتینین زنگینه دستک وئره‌ن لوکاشنکو و رحمانلا بیرلیکده ده بو مسئله‌نی مذاکره ائده بیلر.