خبر وئردییمیز کیمی، اؤتن گون – ایلاخیر چرشنبه‌ده پرزیدنت ایلهام علیئو آغدره‌یه سفر ائدیب و سوقوووشان‌دا یئنی کومپلکسین استفاده‌یه وئریلمه‌سی مراسمین‌ده اشتراک ائدیب.

Axar.az خبر وئریر کی، پرزیدنت ایلهام علیئو ساکینلرله گؤروشده اشغال تاریخینه، ارمنی ترورچولارین آذربایجان‌لیلارا قارشی تؤرتدیی عمللره توخونوب.

«من بونو دئمیشه‌م، بیر داها دئمک ایستییرم، بیز هئچ واخت بو وحشی‌لییی، بو پیس‌لییی اونودا بیلمریک. خوجالی سویقیریمینی نئجه اونوتماق اولار؟ بیز قیصاصیمیزی دؤیوش میدانیندا آلدیق. اونلاردان فرقلی اولاراق مولکی اهالی‌یه قارشی هئچ بیر نالایق حرکت ائتمه‌میشدیک، گوجوموزو آنجاق ارمنستان اوردوسونو محو ائتمک اوچون سفربر ائتمیشدیک. اونلار ایسه الی‌یالین انسانلارا قارشی، قادینا، اوشاغا، قوجالارا قارشی نه قدر چیرکین عمللر ائتمیشدیلر، حربی جنایتلر تؤرتمیشدیلر. واختیله بیزی هده‌له‌یه‌نلر، «بیز باکی‌یا تانکلارلا گلیب باکی‌دا چای ایچه‌جه‌ییک» دئیه‌نلر ایندی محکمه قارشی‌سیندا جواب وئریرلر. من ایسه دئمیشه‌م، تانکلار دا باکی‌دادیر، غنیمتلر پارکیندا، چایی دا ایچیرلر لازیم اولان یئرده و خالق قارشی‌سیندا، قانون قارشی‌سیندا جواب وئره‌جکلر»، - پرزیدنت وورغولاییب.

پرزیدنتین چیخیشیندان همین حیصه‌نین گؤرونتوسونو تقدیم ائدیریک: