باش ناظر نیکول پاشینیان ارمنستان پارلامنتینده دوننکی چیخیشین‌دا «قاراباغ حرکاتی ارمنی دولتچیلیی‌نین فورمالاشماسینا مانع اولور» دئیرکن اؤلکه‌سینین اوزلشه بیلجه‌یی تهلکه‌یه اشاره ائدیب. «قاراباغ حرکاتی داوام ائتمه‌مه‌لی‌دیر» دئیه‌ن پاشینیان پارلامنت‌ده‌کی مخالفت تمسیلچلریندن فرقلی اولاراق آنلاییر کی، بو «حرکاتین» داوامی آذربایجانلا صلحه اساس انگللردن بیریدیر.

Axar.az خبر وئریر کی، بو سؤزلری پولیتولوگ ائلخان شاهین‌اوغلو قید ائدیب.

«صلح سازیشی ایله «قاراباغ حرکاتی» بیر آرایا سیغمیر. ارمنستانلا آذربایجان آراسیندا صلح سازیشی امضالاندیقدان سونرا قونشو اؤلکه‌ده «قاراباغ حرکاتی» فعالیتینی داوام ائتدیررسه، بو، همین سندین اهمیت‌سیز اولاجاغینا دلالت ائد‌جک. بئله چیخاجاق کی، ارمنستان بیر طرفدن آذربایجانین اراضی بوتؤولویونو تانییاجاق، دیگر طرفدن قونشو دولت‌ده اؤلکه‌میزین اراضیسینه ادعا ائد‌ن «حرکات» فعالیتینی داوام ائتدیره‌جک. بو، قارشیدورمانین داوامی دئمک اولاجاق. بونو آنلایان و آذربایجانلا یئنی محاربه‌دن قورخان پاشینیان «قاراباغ حرکاتینین» فعالیتینی قاداغان ائتمه‌لی‌دیر»، - پولیتولوگ وورغولاییب.