کناردان هجوم ائدیلجه‌یی احتمالی آزدیر، آنجاق هجوم ائدیلرسه، اونلارا مطلق آغیر ضربه وورولاجاق.

Axar.az خبر وئریر کی، بو سؤزلری ایران رهبری علی خامنه‌ای بو گون فطر بایرامی مناستیله ائتدیی چیخیشیندا دئییب.

"هامی بیلسین کی، بیزیم موقعییمیز اول نه ایدیسه ایندی ده اودور، آمریکا و اسرائیلین دوشمن‌چیلییی ده بوندان اول اولدوغو کیمی قالیر"،- او، علاوه ائدیب.

خامنه‌ای خارجی هجومون باش وئرمه‌سی احتیمالینین آز اولدوغونو بیلدیریب:

"بیزی هجوم ائد‌جکلری ایله باغلی تهدید ائدیرلر، البته بیز بونون باش وئرمه احتمالینین آز اولدوغونو دوشونوروک".

ایران رهبری اؤلکه داخیلینده اعتراض آکسییالارینین باشلاناجاغی احتمالینا دا اشاره ائدیب و بونون قارشی‌سینین آلیناجاغی ایله هده‌له‌ییب.

"اگر اؤلکه داخیلینده بوندان اول ده ائتدیکلری کیمی اغتشاش یاراتماق ایسته‌سه‌لر، بونون جوابینی میللت اؤزو وئره‌جک. بو اوللر ده تجروبه اولونوب"،- خامنه‌ای اعتراض آکسییالارینین یئنی دالغاسینین باشلاماسینین ممکن‌لویونه اشاره ائدیب.

قید ائدک کی، آمریکا پرزیدنتی دونالد ترامپ ایرانین بیرباشا دانیشیقلارا گئتمیجه‌یی تقدیرده آغیر نتیجه‌لرله اوزلشجه‌یی باره‌ده خبردارلیق ائدیب.

ایران ایسه اولکی موقعینی دییشه‌رک دولایی دانیشیقلار آپارماغا راضیلیق وئریب.