تهران واشینگتنون ایران‌داکی ماراقلارینین مدافعه‌چی‌سی کیمی ایسوچره‌نین تهران‌داکی موقتی ایشلر وکیلینی خاریجی ایشلر ناظرلیینه چاغیریب.

Axar.az خبر وئریر کی، بو باره‌ده «تسنیم» معلومات یاییب.

بیلدیریلیب کی، دونالد ترامپین نووه راضیلاشماسی الده اولونمادیغی تقدیرده ایرانی بمبالایاجاغی خبردارلیغیندان سونرا ایران ایسوچره نماینده‌سینی خارجی ایشلر ناظیرلییینه چاغیریب و دیپلوماتا اعتراض نوتاسی تقدیم اولونوب.

گؤروشده ایران خارجی ایشلر ناظرلیینین آمریکا اوزره باش اداره‌سینین رئیسی عیسی کاملی ایسوچره سفیرلیینین موقتی ایشلر وکیلینه اعتراضینی بیلدیره‌رک، ایرانین بئله تهدیدلره قطعی شکیل‌ده جواب وئرجیینی بیان ائدیب.

ایسوچره‌لی دیپلومات ایرانین اعتراضینی تئزلیکله آمریکا طرفینه چاتدیراجاغینی بیلدیریب.

قید ائدک کی، اؤت‌ن گون دونالد ترامپ تهرانین نووه پروگرامی ایله باغلی راضیلیغا گلمدیی تقدیرده ایرانین مثلی گؤرونممیش بمبا هجومونا معروض قالاجاغی ایله باغلی خبردارلیق ائتمیشدی.

ایرانین عالی رهبری علی خامنه‌ای ایسه بیان ائدیب کی، آمریکا پرزیدنتی ایرانا هجوم ائدرسه، گوجلو ضربه ایله اوزلشه‌جک.