ایران و آمریکا-اسرائیل (و بورا ایوردانیا کیمی آمریکا و اسرائیل‌دن آسیلی اولان اؤلکه‌لر قوشولا بیلر) آراسیندا محاربه احتمالی حاضردا چوخ یوکسک‌دیر. بو محاربه‌نین آذربایجان اوچون چوخ جدی تأثیرلری اولا بیلر.

بو سؤزلری Axar.az-آ روسیالی پولیتولوگ سرگئی مارکوو ایران و آمریکا آراسیندا ممکن محاربه احتمالی و اونون بؤلگه‌میزه منفی تأثیرلری حاقین‌دا دانیشارکه‌ن دئییب.
اونون سؤزلرینه گؤره، بیرینجی ان بؤیوک چتین‌لیک قاچقینلارلا باغلی‌دیر:

«آذربایجان کوتلوی قاچقین آخینینا حاضرلاشمالیدیر. بو جور تدبیرلر سرت واریانت - سرحدلرین محکم باغلانماسی و هئچ کیمین بوراخیلماماسی، یا دا یومشاق واریانت - اوشاقلارلا قادینلارین و یا بوتون قاچقینلارین بوراخیلماسی اولا بیلر. آیدین‌دیر کی، هومانیتار سببلره گؤره هر هانسی بیر قاچقیندان امتنا ائتمک چتین‌دیر، لاکین دیگر طرفدن، بو قاچقینلارین یئرلشدیریلمه‌سی، قیدالانماسی و س. چتین‌لیکلر وار».

پولیتولوگون فکرینجه، دوست ام.د.ب اؤلکه‌لریندن بیر نئچه‌سی بو مسئله‌ده آذربایجانا یاردیم ائده بیلر:

«حساب ائدیره‌م کی، آذربایجانین روسیا، قازاخیستان، بلاروس، اؤزبکستان کیمی دوستلاری ایران‌دان قاچقین آخینی زمانی آذربایجانا کمک ائده بیلر. و ایندی بو اؤلکه‌لرله قاچقین آخینی حالین‌دا ممکن سرعتلی یاردیم اوچون دانیشیقلار آپارماق داها مقصده اویغوندور. بلکه ده ایندی قاچقین دوشرگه‌لری اوچون قیدا احتیاطلاری، چادرلار حاضرلاماق، قاچقینلارین یئرلشدیریلدیی یئرلرده تهلوکه‌سیزلییی تعمین ائده بیله‌جک خصوصی پلیس گروپلاری حاضرلاماق داها یاخشی اولاردی».

مارکوو قید ائدیب کی، آذربایجان اوچون ایکینجی چتین‌لیک ایرانین محاربه‌دن سونراکی پروبلملرینین حلی مسئله‌سیدیر:

«آذربایجانین ایران داغیلاجاغی تقدیرده قارشیلاشاجاغی دیگر پروبلم ده وار. بو احتمال صفر دئییل. آمریکا و اسرائیل ایرانی پاییزا قدر بؤلمک ایستکلرینی قطیعاً گیزلتمیرلر. ایران ائتنیک گروپلارا - فارسلار، عربلر، کوردلر و آذربایجان‌لیلارا بؤلونه بیلر. آذربایجان ایران داغیلدیغی و جنوبی آذربایجان فورمالاشدیغی تقدیرده نه ائدجیینی معینلشدیرمه‌لیدیر. آذربایجانلا بیرلشمه نظری جهتدن ممکن‌دور، لاکین پراکتیکادا بو، سون درجه اسلاملاشمیش اهالینین حاضرکی دنیوی، ترقییه دوغرو گئدن آذربایجانی اوداجاغی دئمکدیر و جدی تهلوکه‌دیر. جنوبی آذربایجانین، اونون دولت انستیتوتلارینین فورمالاشماسینا کمک ائتمک داها مقصده اویغون اولاردی. بونا جدی احتیاج یاراناجاق. و جنوبی آذربایجانین دولت‌چی‌لییی آذربایجان و آذربایجانین روسیا، قازاخیستان و بلاروس کیمی دوستلارینین اشتراکی ایله قورولسا، داها دوغرو اولاردی.

ائله بیر وضعیت یارانا بیلر کی، گونئی آذربایجانین دولت‌چی‌لییی آذربایجانا منفی مناسبت بسله‌یه‌ن بعضی شخصلر طرفیندن قورولسون. بونون قارشی‌سی آلینمالیدیر. بو، چتین پروبلم‌دیر. و عمومیتله، ایندی بو باره‌ده دوشونمک لازیم‌دیر. حساب ائدیره‌م کی، بو وضعیتین نئجه انکشاف ائدجیی ایله باغلی ایندیدن بعضی مصلحتلشمه‌لر آپاریلمالیدیر. اما بو، تمامیله قاپالی فورماتدا مذاکره ائدیلمه‌لیدیر، چونکی ایرانین مغلوبیتی و سقوطو حالین‌دا نلرین ائدیلمه‌سی لازیم اولدوغونو آچیق شکیل‌ده مذاکره ائتمیی ایران آنلاییشلا قبول ائتمز».