اسلام رسپوبلیکاسی ضربه آلاجاغینی حس ائدیر و بیر باشا دانیشیقلارا حاضردیر.

Axar.az خبر وئریر کی، بونو آمریکا پرزیدنتی دونالد ترامپ دئییب.

او، بیر باشا دانیشیقلارلا باغلی ایران طرفینین مکتوب یازیب-یازمادیغی باره‌ده ژورنالیستلرین سواللارینا جواب وئریب:

"اونلار ناراحاتدیرلار و امینم کی، بیر باشا دانیشیقلارا حاضردیرلار. مکتوبو بوراخین، اونلار بونا حاضردیرلار".

ترامپین یئنی بیاناتی ایرانین رسمی دولت مئدیاسین‌دا دا عکس اولونوب.

ایرنا ترامپین ایرانین بیر باشا دانیشیقلارا حاضر اولدوغو باره‌ده بیاناتینی یاییب و تهرانین هر زمان دیپلماتییا و مذاکیره‌لره آچیق اولدوغونو بیلدیریب.

"اسلام رسپوبلیکاسینن هر زمانکی موقعی پروبلملرین برابر حقوق‌لو و تهدیددن اوزاق دانیشیقلار یولو حل ائدیلمه‌سی اولوب"،- ایرنا یازیب.

نشر عینی حال‌دا دونالد ترامپین یئنی بیاناتینی اونون اولکی مؤقعین‌دن گئری اوتورماسی کیمی قلمه وئریب:

"آغ ائوین بو یئنی موقعی ترامپین اولکی حربی تهدیدلردن گئری چکیلمه‌سی کیمی دیرلندیریله بیلر".