ج.ح.پ لیدری اؤزگور اؤز‌له ائدیلن هجوم تورکیه سیاستینه یاد حادثه دئییل، لاکین هجومدا سواللار یارادان مقاملار دا دقتدن یایینمیر.

هجوم ائد‌ن سلجوک تنگیوغلو ۲۰۰۴-جو ایلده اوشاقلارینی اؤلدوردویو اوچون حبس اولونوب، ۲۰۲۰-جی ایلده آزادلیغا چیخیب. اؤزل بئله بیر شخصین هجومونون آرخاسیندا «باشقالارینین اولدوغونو» دئییر. همین شخص ایسه اؤز‌له هجومونون سببینین ج.ح.پ-دن یئمک کارتی آلا بیلمه‌مه‌سی و پارتییانین «گنجلری کوچه‌لره چاغیرماسی» اولدوغونو ادعا ائدیب.

ماراق‌لی‌دیر کی، ج.ح.پ-یه یاخین سول‌یؤنوملو «اورنسل» قزئتی ۲۰۰۴-جو ایلده س . تنگیوغلونون تؤرتدیی جنایتی «ایشسیزلیکله» علاقه‌لندیرمیشدی، تنگیوغلو دا اؤز‌له هجومونو پارتیادان «یئمک کارتی» آلا بیلمه‌مه‌سی ایله علاقه‌لندیریر: واختیله مدافعه ائتدیی شخصین عینی «سببله» هجومونا معروض قالان تورکیه مخالفتی «دژاوو» یاشاییر.

تورکیه‌نین سیاسی گونده‌می هجوما معروض قالان اؤز‌له فوکوسلانیب و بو، اونون ج.ح.پ-ده اساس نامزد اولماق پرسپکتیوینی گوجلندیریر. نامیزدلیک مباریزه‌سینده اماموغلونون اؤنونون کسیلمه‌سی، اؤزلین یولونون آچیلماسی فونوندا بو هجومون یاراتدیغی افکت خصوصیله ماراقلی‌دیر.