ادمان آذربایجان تلویزیا کانالینین تبریزین "تراکتور" کومانداسی‌ین اویونلارینی جانلی یاییملاماسی گونئی آذربایجان و ایران‌دا یاشایان آذربایجان‌لیلارین رغبتی ایله قارشیلاشسا دا، بعضی دایره‌لرین ناراحاتلیغنا سبب اولوب.

Axar.az خبر وئریر کی، بو بونونلا باغلی ایران سوسیال مئدیا شبکه‌سینده پایلاشیملار ائدیلیب.

ناراضیلار بونو آذربایجان رسپوبلیکاسینین ایران‌دا یاشایان آذربایجانلیلارا تأثیر واسطه‌سی اولدوغونو ادعا ائدیب، "ایران کومانداسی"نین اویونلارینین "باشقا دیل‌ده" شرحیندن ناراحاتلیقلارینی بیلدیریبلر.

اونلارین فیکرینجه، بو، ایران‌دا آذربایجان دیلینین تأثیرینین و بو دیله ماراغین آرتماسینا، ایران‌دا یاشایان آذربایجانلیلار آراسین‌دا ایرانین رسمی دولت دیلینین نفوذونون آزالماسینا سبب اولور.

بو پایلاشیملاردان سونرا "تراکتور" کومانداسینین طرفدارلاری ناراضیلارا جواب اولاراق ویدئولار پایلاشیب، ایران کاناللارینین تبریز تمثیلچیسی‌نین قارشیلاشمالارینی، خصوصاً غلبه‌لرینی سؤنوک ایشیقلاندیردیغینی بیلدیریبلر.

قید ائدک کی، سون هفته‌لر ایدمان‌تی‌وی-نین "تراکتور"ون اویونلارینی جانلی یاییملاماسی گونئی‌لیلرین اکثریتینین تبریز تمثیلچیسی‌نین اویونلارینی ایران کاناللاریندان دئییل، آذربایجان کانالیندان ایزله‌مه‌سینه سبب اولوب.

بو هم ده شرقی آذربایجان ایالتینین "سهند" و ایرانین "ورزئش ۳" کاناللارینین ایزله‌ییجیلرینین اهمیتلی درجه‌ده آزالماسی ایله نتیجله‌نیب.

بونونلا عینی واختدا آذربایجانلی سوسیال مئدیا فعاللاری و "تراکتور" آزارکشلری ایدمان تی‌وی-نین "تراکتور"ون اویونلاریندان وئردیی شرحلردن ویدئولار یایاراق، ایران کاناللارینین آپاریجیلاری و ایدمان شرحچیلرینین چیخیشلاری ایله مقاییسه ائدیبلر.

اونلارین موقاییسه‌لی ویدئولاردان چیخاردیقلاری نتیجه‌یه گؤره، ایدمان تی‌وی کانالی یاریشلاری داها یاخشی شرح ائدیر، آذربایجان دیلینده اولان شرحلر داها کئیفیتلی اولور و "تراکتور"چولارین آنا دیللرینده تقدیم ائدیلن اویونلار آزارکشلرین رغبتینی قازانیر.