افسانوی فوتبول‌چو دیئقو آرماندو مارادونا روسییایا گئدیب.

آخار. آذ خبر وئریر کی، «سووتسکی ایسپورت» قزئتی و «روسییا فوتبولو سئویر» اجتماعی حرکاتینین دعوتی ایله روسییایا گئدن اولدوز فوتبول‌چو یئنی اینشا ائدیلن «دینامو» ایستادیونوندا اولوب. ژورنالیستلرین سواللارینی جاوابلاندیران مارادونا سفرینین اصل سببینی آچیقلاییب:

«پلانلاریمیز چوخدور. روس میللی‌سینین مشق‌چیسی اولماق اوچون گلمیشم. روسییا فوتبولچولارینین حاضرلیق سوییه‌سی چوخ آشاغیدیر. پروبلئم ایدارچیلیکده‌دیر».

خاطیرلاداق کی، افسانوی آرگئنتینالی فوتبولچو مارادونا ژورنالیستلره آچیقلاماسیندا روسییا پرزیدنتی ولادیمیر پوتینین فاناتی اولدوغونو و اونونلا تئلئفونلا دانیشدیغینی بیلدیرمیش‌دی. اونون سؤزلرینه گؤره، پوتین اوندان روسییادا کئچیریلمه‌سی نظرده توتولان دونیا چئمپیوناتی اوچون نسه ائتمه‌سینی خواهیش ائدیب.

قئید ائدک کی، فوتبول اوزره دونیا چئمپیوناتی ۲۰۱۸-جی ایلده روسییادا کئچیریله‌جک.