آنا صحیفه ایدمان |
خبر وئردییمیز کیمی، فئورالین ۱۵-ده تبریزین «تراختور» فوتبول کومانداسی تهرانین «ایستیقلال» کومانداسینی سهند ایستادیونوندا قبول ائتدی، سوپر لیگ یاریشلاری چرچیوهسینده کئچیریلن گؤروشده ۱۰۰ مین سویداشیمیزین تاماشاچی قیسمینده ایشتیراک ائتمهسی دونیا مطبوعاتینین گوندهمینه دوشوب.
Axar.az خبر وئریر کی، سهند ایستادیونونا بو قدر «تراختور» طرفدارلارینین توپلانماسی دونیا مطبوعاتیندا گنیش شکیلده ایشیقلاندیریلیب.
تورکییهنین «یئنی شافاک» سایتی ۱۰۰ مین تاماشاچینین قاتیلدیغی گؤروشله باغلی خبر یایاراق بیلدیریب کی، بو گؤروش تورک دونیاسیندا ان چوخ تاماشاچیسی اولان یاریش کیمی تاریخه دوشدو.
تورکییهنین «ایستادیوملار» اینستاگرام صحیفهسی ایسه خبری ایشیقلاندیراراق قید ائدیب کی، ایران سوپر لیگاسیندا تورکلرین «تراختور» کومانداسی «ایستیقلال»ی ۱:۰ حسابی ایله مغلوب ائدیب، اویون ۱۰۰ مین تاماشاچینین قاتیلیمی ایله کئچیریلیب.
«آسییا فوتبول کنفدراسییاسی» اینستاگرام صحیفهسی ده ۱۰۰ مین «تراختور» طرفدارینین ایستادیونا توپلاشدیغی بارهده خبر یاییب. مشهور صحیفه آذربایجان تورکلرینین یاراتدیغی ائپیک صحنهلردن گؤرونتولر ده پایلاشیب.
تاریخ
2019.02.18 / 18:12
|
مولف
آینورا مممدووا
|