گونئی آذربایجانین «تراختور» فوتبول کلوبو ۱۹-جو سوپر لیگ یاریشلارین‌دا چیخیش ائدجیی کؤینک و لوقوسونون تقدیمات مراسیمینی کئچیردیک‌دن سونرا بعضی مطبوعات اورگانلارین‌دا کومان‌دانین کؤینیی ایله باغلی شایعه‌لر یاییلیب.

آخار. آذ خبر وئریر کی، مراسیم‌ده آذربایجان کلوبونون دونیا شهرت‌لی ایدمان برندی «آدیداس» شیرکتی ایله مقاویله باغلادیغی و تانینمیش شیرکتین حاضیرلادیغی کؤینک‌دن ایستیفاده ائدجیی معلوم اولدو. بون‌دان سونرا «تراختور» کؤینیی و اوزرینده‌کی گؤرونتونون ایرانین میللی کومان‌داسینین کؤینیینه اوخشار اولدوغو اوچون بیر سیرا کوتلوی اینفورماسییا واسطه‌لری همین کؤینیین ایران فوتبول فدراسییاسی طرفین‌دن «تراختور» کلوبونا هدییه ائدیلدیینی و یا ساتیلدیغینی ادعا ائتدیلر. بو مسئله بیر چوخلارینین، او جمله‌دن «تراختور» طرفدارلارینین خصوصی دقتینی چکدی.

لاکین فوتبول فدراسییاسی یایدیغی بیر بیاناتلا بوتون شوبهه‌لره سون قویدو. بیلدیریلدی کی، «اینترنت‌ده فوتبول فدراسییاسینین «تراختور» کلوبونا «آدیداس» کؤینیینی ساتدیغی باره‌ده معلومات یاییلیب. بیز بو شایعه‌نی کسکین شکیل‌ده تکزیب ائد‌رک اعلان ائدیریک کی، سؤزوگئدن کؤینکلر بؤیوکلردن عبارت میللی کومان‌دایا عاییددیر و یالنیز بو کومان‌دا طرفین‌دن ایستیفاده اولونور.»