تبریزین «تراکتور» کومان‌داسی تهرانین «پرسپولیس» کومان‌داسینی ۱-۰ حسابی ایله مغلوب ائدیب.

تبریزین «سهند» ایستادیونون‌دا باش توتان اویونون ۴۵ +۱-جی دقیقه‌سین‌ده احسان حاجی صفینین قولو «تراکتور» کلوبونا غالیبیت قازاندیریب.

«تراکتور» اویون بویو قارشی طرفه چوخلو تضییق گؤسترسه ده، «پرسپولیس» داها چوخ مدافعه‌یه اوستونلوک وئریب و بوتون واسطه‌لردن ایستیفاده ائتمکله «تراکتور»اون اویون‌چولارینی دایاندیرماغا جهد گؤستریب. بیر چوخ خطالارا یول وئره‌ن و بیر اویون‌چوسو ساری ورقه آلان «پرسپولیس» سون‌دا مئیدانچادان مغلوب آیریلیب.

قید ائدک کی، «تراکتور» –«پرسپولیس» اویونو، بو گون، ۳۰ آوقوست، تبریزین «سهند» ایستادیونون‌دا، تبریز واختی ایله ۱۷:۴۵-ده (باکی واختی ایله ۱۷:۱۵-دا) باشلاییب.