همدان ایالتینین کبودراهنگ محالین‌دان اولان رضا قیتاسی ایران‌دا ایلین ان گوجلو کیشی‌سی سئچیلیب.

Axar.az خبر وئریر کی، بو باره‌ده ایرانین ان گوجلو کیشیلر کمیته‌سینین رهبری محمود قاراچورلو معلومات یاییب.

او، ان گوجلو ایدمانچینی سئچمک اوچون کئچیریلن «دمیر کیشیلر» یاریشیندا رضا قیتاسینین بوتون رقیبلرینی اوسته‌لدیینی دئییب.

«رضا قیتاسینین اشتراک ائتدیی یاریشی ایزله‌مک اوچون ایدمان کمپلکسینه گلن تماشاچیلارین سایی ۲۰۰ دفعه آرتدی»،- قاراچورلو بیلدیریب.

همدان‌لی ایدمان‌چی غالیب گلدیکدن سونرا آذربایجان دیلینده پایلاشدیغی ویدئو مراجعتده تماشاچیلارا تشکر ائدیب.

اونون آذربایجان دیلینده سلیس و ادبی قایدالارا اویغون چیخیشی آذربایجانلیلارین، خصوصاً همدان تورکلری طرفیندن رغبت و آلقیشلا قارشیلانیب.