آپرلین ۲۹-او پئشه‌کار و یا هوسکار رقصله مشغول اولان، رقصی سئوه‌ن هر کسین بایرامی‌دیر.

Kult.az خاتیرلادیر کی، بین‌الخالق رقص گونو ۱۹۸۲-جی ایلده یونسکو-نون بین‌الخالق رقص شوراسی طرفیندن تاسیس اولونوب.

بو علامتدار تاریخ فرانسالی بالتمیستر، بالت نظریه‌چی‌سی و اصلاحاتچی‌سی ژان ژورژ نووررین (۱۷۲۷-۱۸۱۰) آنادان اولدوغو گون‌ده قید اولونور. گونون تاسیس اولونماسین‌دا مقصد اجتیماعیتین دقتینی رقص صنعتینه جلب ائتمک‌دیر.

قید ائدک کی، دونیانین اکثر اؤلکه‌لرینده اولدوغو کیمی، آذربایجان‌دا دا بین‌الخالق رقص گونو تاسیس اولوندوغو تاریخدن هر ایل قید اولونور.

آذربایجان‌دا رقصین تاریخی اولدوقجا زنگین و قدیم‌دیر. اینجه‌صنعتین بیر قولو اولان رقصلریمیز اولویلیک، گؤزللیک و بیرلیک رمزی ساییلیر.

کؤکلری ارامیزدان اولکی مین ایل‌لیکلره گئدیب چیخان میللی رقصلریمیز تاریخیمیزله آیریلماز صورت‌ده باغلی اولوب، خالقیمیزین ملی خصوصیتینی، حیات و معیشتینی عکس ائتدیریر. قوبوستان قایاوستو رسملرینده عکسینی تاپمیش رقص صحنه‌لری بونو ثبوت ائدیر.

آذربایجان خالق رقصلری اولدوقجا رنگارنگ‌دیر. اونلار قورولوش، سوژت و موضوع باخیمین‌دان بیری-بیریندن چوخ فرقلنیر. بو گون مشهور اولان ملی رقصلریمیزه – «آذربایجان»، «هیواگولو»، «اوزون دره»، «توی رقصی»، «توراجی»، «تره‌که‌مه»، «جنگی»، «شالاخو»، «عنابی»، «قیزیلگول»، «قازاغی»، «قایتاغی»، «قوچه‌لی»، «لاله»، «میسری»، «نازنازی»، «واغزالی»، «یال‌لی» و دیگرلرینی مثال گتیرمک اولار.

داهی بسته‌کار اوزئییر حاجی بیلی طرفین‌دن یارادیلمیش آذربایجان دولت ماهنی و رقص آنسامبلی بو گون تاماشاچیلارا بیر-بیرین‌دن گؤزل رقصلر و خوش اوقات بخش ائدیر.

امینه دیلبازی، آفاق ملیکووا، روزا خلیلووا، ترانه مرادووا، تامیللا مممدووا، بؤیوکاغا مممدوو، کامیل داداشوو، بؤیوکاغا آتابابایئو و باشقالاری اؤز ایفالارین‌دا ملی المنتلری قورویوب ساخلاماقلا ملی رقصیمیزی انکشاف ائتدیره‌رک یئنی چالارلارلا زنگینلشدیریبلر.