بیرینجی لیگ فوتبول ماچلارینین دؤردونجو هفته‌سین‌ده «اورمو ۹۰» فوتبول کامان‌داسی «ریکا بابال» کلوبونو قوناق ائدیب.

اؤتن گون اورمونون «تختی ایستادیونو»ندا باش توتان گؤروش ۱:۰ ائو صاحبلرینین خئیرینه نتیجلنیب.

اویونون ۱۲-جی دقیقه‌سین‌ده «اورمو ۹۰» فوتبول کامان‌داسی علیرضا قاسیمینین قولو ایله ۱:۰ میدان صاحبلری ایر‌لی دوشوب و بو غالیبیت اویونون سونونادک داوام ائدیب. سونونجو قلبه ایله «اورمو ۹۰» کومان‌داسی ۹ خال قازاناراق بیرینجی لیقانین دؤردونجو هفته‌سین‌ده اؤلکه اوزره اوچونجو اولوبلار.

قید ائدک کی، «اورمو ۹۰» فوتبول کلوبو اؤنجکی اویونلارین‌دا «علم و ادب تابریز» کومان‌داسینی ۲-۱ ، «سئپید رود»او ۱-۰ حسابی ایله مغلوب ائتمیش، «آلمینیوم اراک» کومان‌داسینا ایسه ۱-۰ حسابی ایله مغلوب اولموشدور. بئله‌لیکله، «بادران تهران» ۱۰ خاللا بیرینجی، «فجر سیپاسی» و «اورمو ۹۰» کوماندالاری ایسه ۹ خاللا مووافیق اولاراق ایکی و اوچونجو یئرده قرارلاشیبلار.