آنا صحیفه ایدمان |
تیمور رجبوو آذربایجانین شاهمات تاریخینده ایلک دفعه دونیا کوبوکونون قالیبی اولوب.
آخار. آذ خبر وئریر کی، اوکتیابرین ۴-ده روسییانین خانتی-مانسیسک شهرینده کئچیریلن تورنیرین فینالیندا چینلی لیرن دینقی مغلوب ائدیب.
قروسسمیسترلر فینالدا ۱۰ گؤروش کئچیریبلر. شاهماتچیلار آراسیندا دؤرد کلاسسیک پارتییا اوینانیلیب. کلاسسیک پارتییانین بیرینجی گؤروشونده زکا اوستالاری خاللاری یاری بؤلوبلر. ایکینجی پارتییادا قارا فیگورلارلا اویوندا مغلوب اولان شاهماتچیمیز اوچونجو قارشیلاشمادا ۴۵-جی گئدیشده رقیبینی مغلوب ائدیب. شاهماتچیلارین دؤردونجو گؤروشونده ده هئچ-هئچه قئیده آلینیب - ۲:۲.
فینالدا قالیب معینلشمدیی اوچون اوکتیابرین ۴-ده تای-برئیک قارشیلاشمالاری اوینانیلیب. تای-برئیک چرچیوهسینده دؤرد راپید یاریشیندا دا غالیب معینلشمهییب - ۲:۲. بیلتس پارتییاسیندا ایسه آردیجیل ایکی گؤروشده غلبه قازانان رجبوو تورنیرین غالیبی اولوب.
بئلهلیکله رقیبینی ۶:۴ حسابی ایله مغلوب ائدن رجبوو آذربایجانین شاهمات تاریخینده ایلک دفعه دونیا کوبوکو تورنیرینین غالیبی اولوب.
خاطیرلاداق کی، تورنیرده مباریزهیه آلتمیش دؤردده بیر فینالدان باشلایان رجبوو بیرینجی مرحلهده فارئر آدالاری تمثیلچیسی هئلگی زیسکانی، اوتوزیکیدبیر فینالدا روسییالی سنان سیوگیرووو مغلوب ائدیب. شاهماتچیمیز اونالتیدابیرده دیگر روسییالی شاهماتچی دانییل یوففایا، سککیزدبیر فینالدا ایسه کوماندا یولداشی شهریار مممدیارووا غالیب گلهرک دؤردده بیر فینالا یوکسلیب. او، دؤردده بیر فینالدا آمریکا تمثیلچیسی جئففئری خیونقو، یاریم فینالدا ایسه فرانسالی ماکسیم واشئ-لاقراوی اوستهلهیهرک فینالا وثیقه قازانیب.
قئید ائدک کی، تئیمور رجبوو بو معتبر یاریشین فینالینا یوکسهلهن ایلک آذربایجانلی شاهماتچی کیمی اؤلکه ایدمانینین تاریخینه دوشوب. او، فینالا وثیقه ایله یاناشی، ادعاچیلار تورنیرینده بیرباشا ایشتیراک حقوقو دا قازانیب.
تاریخ
2019.10.04 / 22:00
|
مولف
Axar.az
|