«اورمییا ۹۰» کلوبو ایران کوبوکو چرچیوه‌سین‌ده کئچیریله‌جک گؤروش‌ده آذربایجانین «تراختور» کومانداسینی اورمییانین «تختی» ایستادیونون‌دا قبول ائد‌جک.

آخار. آذ خبر وئریر کی، بو باره‌ده «اورمییا ۹۰» کلوبونون ایجراچی دیرکتورو یهیی بهاری «فارس» خبر آگئنتلیینه دانیشیب.

«گؤروشون ۱۵ مین نفرلیک باکیری ایستادیونون‌دا کئچیریلجیی ایله باغلی یاییلان خبرلر حقیقتی عکس ائتدیرمیر. دوخسان دوققوز فایز احتیماللا گؤروش اورمییانین تختی ایستادیونون‌دا باش توتاجاق. اونا گؤره کی، باکیری ایستادیونو ایستاندارت وضعیت‌ده دئییل.»- دئیه او بیلدیریب.

کلوبون ایجراچی دیرئکتورونون سؤزلرینه گؤره، لیگا تشکیلاتی ۱۵ مین نفرلیک ایستادیونون نورمال وضعیت‌ده اولمادیغینی نظره آلاراق گؤروشون بو ایستادیون‌دا کئچیریلمه‌سینه ایجازه وئرمه‌یه‌جک.

قید ائدک کی، «تراختور»اون ۴ اویون‌چوسو ایران ییغماسینین تعلیم-مشق توپلانیشین‌دا اولدوغو اوچون آذربایجان کوماندالارینین گؤروشو نویابر آیینا تاخیره سالینیب.

«تراختور»-«اورمییا ۹۰» گؤروشو نویابرین ۲۶-دا اورمییا شهرین‌ده کئچیریله‌جک.