ایران آذربایجانین‌دا تراکتور کومان‌داسینین باش مشق‌چی‌سی کومان‌دانین فوتبول‌چولارینین دؤردون‌ده یولوخما حالینین اولدوغونو آچیقلاییب.

آخار. آذ -این معلوماتینا گؤره کومان‌دانین باش مشق‌چی‌سی ساکیت ایلهامی مایین ۲۴-ده کئچیردیی مطبوعات کونفران‌سین‌دا بیلدیریب کی، تراکتور فوتبول کومان‌داسینین ایران فوتبول فدراسییاسینین گؤندردیی ساغلام‌لیق و گیگیئنا قایدالارینا عمل ائتمه‌سینه باخمایاراق، کوروناویروس لابوراتورییا تئستلرینین نتیجه‌سین‌ده کومان‌دانین ۴ فوتبول‌چوسون‌دا یولوخما حالی تثبیت ائدیلیب.

ایلهامی همچینین بیلدیریب کی، بو وضعیت‌ده کومان‌دانین دیگر فوتبول‌چولاری ویروس تهلوکه‌سین‌دن اوزاق دورماق اوچون کومان‌دانین مشقلرین‌ده ایشتیراک ائتمه‌یه‌جک.

تراکتور کومان‌داسینین باش مشق‌چی‌سی دیگر فوتبول‌چولارین‌دا دا کورونا تئستی آلیناجاغینی بیلدیریب و دئییب کی، «کومان‌دانین مشقلری بوتون فوتبول‌چولارین تست نتیجه‌لری آچیق‌لانانا قدر باغلی اولاجاق.»

داها اؤنجه کومان‌دانین رهبرلرین‌ده اولان اییوب زولفقاری فوتبول‌چولارین تستلرینین نگاتیو اولدوغونو آچیقلامیشدی.

بون‌دان اول ایران فوتبول لیگاسینین سپاهان کومان‌داسین‌دا ۲، سایپا کومان‌داسین‌دا ۱ و گل گوهر سیرجان کومان‌داسین‌دا ۶ فوتبول‌چودا ویروسا یولوخما حالی آشکارلانمیش‌دی.

ایرانین ان مشهور ایدمان خبر پورتالی ورزش۳ لیقانین تئز بیر زامان‌دا باشلاماسینی دستکله‌یه‌ن تهرانین پرسپولیس کومان‌داسینین لوگیستیکا هئیتین‌ده ۲ نفرین کوروناویروسا یولوخدوغونو یازیب.

ایران فوتبول سوپئر لیقاسین‌دا کوروناویروسا یولوخان فوتبول‌چولارین سایینین آرتماسی ایران فوتبول فئدئراسییاسینی قرارلارینی بیر داها نظردن کئچیرمک مجبوریتین‌ده بوراخاراق، ایرانین ایدمان اوزره کورونا کومیته‌سی مایین ۲۶-دا وضعیتی اینجلمک اوچون توپلانتی کئچیره‌جک.

ایران صجییه ناظرینین معاوینی ایرج حریرچی مایین ۱۲-ده پاند‌مییادان دولایی تخیره سالینان ایران فوتبول لیقاسینین اویونلارینین مایین سونون‌دان اعتباراً باشلایاجاغینی بیلدیرمیشدی.