آذربایجان تمثیل‌چیسی دیانا دیمچنکو فرانسادا تشکیل ائدیلن ساحل آوارچکمه‌سی اوزره آوروپا چمپیوناتین‌دا قیزیل مدال قازانیب.

Axar.az خبر وئریر کی، ایدمان‌چی بیرنفرلیک قاییق‌دا هم آذربایجان کانوه و آوارچکمه فدراسییاسی، هم ده باکی آوارچکمه کانوه ایدمان کلوبو (باکی) آدین‌دان چیخیش ائدیب.

دیمچنکو هر ایکی کاتگورییادا چیخیشدا ان یوکسک مکافاتا صاحب چیخیب. آذربایجان کانوه و آوارچکمه فدراسییاسی آدی آلتین‌دا مباریزه‌ده ایدمانچیمیز تصنیفات و یاریم فینال مرحله‌سینده فینیشه بیرینجی چاتاراق آ فینالینا وثیقه قازانیب.

او، ۶ کم مسافه‌یه حل ائدیجی یوروشده ان یاخین رقیبی، ایرلاندییالی مونیکا دوکارسکانی ۱۶ ثانییه قاباقلایاراق (۳۰:۱۴.۵۶ - ۳۰:۳۰.۲۸) آذربایجان بایراغینی فرانسادا قالدیریب.

باکی آوارچکمه و کانوه ایدمان کلوبو آدیندان چیخیشلاردا دا دیانا آ فینالینا وثیقه‌نی تعمین ائدیب. فینال یوروشونده ده فینیشه هامیدان بیرینجی چاتان دیمچئنکو فخری کورسونون ان یوکسک پیلله‌سینه قالخاراق هیمنیمیزی سسلندیریب.

قید ائدک کی، دیانا دیمچنکو اؤتن ایل ایسپانییانین سان سباستیان شهرینده کئچیریلن ساحل آوارچکمه‌سی اوزره آوروپا چمپیوناتیندا قیزیل مئدالا صاحب اولوب.