آذربایجانین ان مشهور ایدمان کلوبلاریندان حساب ائدیلن اورمییانین "دورنالار" وولیبول کلوبو لغو ائدیلیب.

Axar.az خبر وئریر کی، بو باره‌ده غربی آذربایجانین یئرلی مئدیاسی معلومات یاییب.

بیلدیریلیب کی، کلوبون لغو ائدیلمه‌سینین سببی مالییه پروبلملری، ایدمان و گنجلر ناظیرلیینین، همچینین، علاقه‌دار دؤلت قوروملارینین کلوبون وضعیت‌دن چیخماسی اوچون تدبیر گؤرمه‌مه‌لری اولوب.

قید ائدک کی، «دورنالار» کمانداسی وولیبول اوزره بیرینجی لیگادا ۹ غلبه و ۲ مغلوبیتله اؤز گروپوندا ایکینجی پیلله‌ده قرارلاشمیشدی و یوکسک لیگایا قالخماق اوچون ان شانسلی کماندا حساب ائدیلیردی.

کلوب مسئله ایله باغلی یایدیغی بیاناتدا وولیبولچولاردان و اورمییالیلاردان عذر ایسته‌یه‌رک مجبوریت قارشی‌سیندا بئله بیر آددیم آتدیقلارینی یازیب.

گوجلو کماندالارینا و اولدوز اویونچولارینا، ایران و آسییا چمپیوناتینداکی چوخسایلی غلبه‌لرینه گؤره اورمییا ایران وولیبولونون پایتختی آدلانیر.