ایراندا قادین حاقلاری ایله باغلی مقاله‌لر درج ائدیلن «همشهری» قزئتینده کریشتیانو رونالدونون حیات یولداشی جورجینا رودریگئزین آرخاسینین سنزورا ائدیلدیی شکیل یاییملانیب.

Kult.az خبر وئریر کی، فوتو سوپئرولدوزون ۳۹ یاشینی اؤولادلاری و حیات یولداشی جورجینا ایله بیرلیک‌ده قید ائتدیی زامان چکیلیب.

خبری اوخوجولارینا «چاتدیرماق» ایسته‌یه‌ن «همشهری» قزئتی ایسه فوتودا قارا دار دون گئیینه‌ن مدلین آرخاسینین قاباریق حیصه‌سینی «اریده‌رک» ماتریالی درج ائدیب.

بونو گؤره‌ن و سرت تنقیدله یایان بلچیکا پارلامنتینین عضوو دریا صفاینین شیکایتیندن سونرا سؤزوگدن دئتال داها دا بؤیوک مذاکیره‌لره یول اولوب.

صفایی ایکس سوسیال شبکه‌سینده اوریژینال و سنزورایا اوغرامیش هر ایکی شکیلی پایلاشاراق رادیکال اسلامچیلاری تنقید ائدیب:

«ایران رژیمینین مطبوعاتی رونالدونون حیات یولداشی جورجینا رودریگزین آرخاسینی سنزورایا معروض قویوب. اونلار مدلین آرخاسینین بؤیوک بیر حیصه‌سینی چیخاردیقلاری شکیل درج ائدیبلر. بو، تام اولاراق بئله‌دیر. اسلامچیلار قادینلارا نئجه خسته باخیرلار! بونا گؤره ده اونلاری اؤرتوک و یا چارشاف آلتیندا گؤرونمز ائتمه‌یه اوستونلوک وئریرلر".

قید ائدک کی، رونالدونون آدی ایران‌دا بوندان اول ده مباحثه‌لره قاریشیب. فوتبولچونون تهران سفری زامانی اونا وئریله‌ن هدیه‌یه تشکر علامتی اولاراق فیزیکی محدودیت‌لی قادینی قوجاقلاماسی رژیمین سرت رئاکسییاسینا سبب اولوب. سوبای قادینی قوجاقلاماسینا گؤره، ایران عدلیه سیستمی سوپرولدوزو ۹۹ شلاق جزاسینا محکوم ائدیب.