آنا صحیفه ایدمان |
آوروپا لیگاسینین پلی-اف مرحلهسیندهکی غلبهدن سونرا پرزیدنت ایلهام علیئوین زنگ ائدرک بیزه تبریکلرینی چاتدیرماسی منه علاوه موتیواسییا وئردی.
Axar.az خبر وئریر کی، بونو "قاراباغ"این باش مشقچیسی قوربان قوربانوو "آنادولو" آگنتلیینه مصاحبهسینده دئییب.
۵۱ یاشلی متخصص آغدام تمثیلچیسینه ایشه باشلادیغی واختی خاطیرلاییب:
"باش مشقچی تعیین اولوناندا کلوبون پرزیدنتی عبدالباری گؤزل منه دئدی کی، حیدر علیئوه بو کماندانی آوروپادا تانیتدیراجاغیما سؤز وئرمیشهم. بو، منیم اوچون بؤیوک موتیواسییا ایدی. ایلک ایلده چمپیون اولا بیلمسک ده، آذربایجان کوبوکونو قازاندیق. یوفا کوبوکوندا پلی-اف مرحلهسینهدک ایرلیلدیک. بو، همین دؤور اوچون بؤیوک اوغور ایدی".
قوربانوو خانکندی شهر استادیونوندا مویک-ا ۱:۰ حسابی ایله غالب گلدیکلری آذربایجان کوبوکونون ۱/۸ فینال مرحلهسینین اویونو بارهده دانیشیب.
او، پرزیدنت ایلهام علیئو و خانیمی مهریبان علیئوانین ماتچا باخدیقلارینی دئییب:
"شهید اولادلاری دا اورادا ایدیلر. اونودولماز گون اولدو. آغدامدا استادیون تیکیلهجک و کماندامیز سوندا اورا قاییداجاق".
قید ائدک کی، "قاراباغ" آوروپا لیگاسینین پلی-اف مرحلهسینده پورتوقالییانین "براگا" کلوبونو اوستهلهییب. سفرده رقیبینه قالیب گلن (۴:۲) آغدام تمثیلچیسی توفیق بهراموو آدینا رسپوبلیکا استادیونوندا علاوه واختدا مغلوب (۲:۳) اولسا دا، ۱/۸ فینالا یوکسلیب. "کؤهلن آتلار" بو راونددا آلمانییانین "بایر ۰۴" کلوبو ایله اوز-اوزه گلهجک.
تاریخ
2024.02.28 / 17:21
|
مولف
Axar.az
|