حاضردا دوللارین اوجوزلاشماسی داها چوخ پسیخولوژی عامللرله باغلیدیر.

بو سؤزلری آخار. آذ-آ آچیقلاماسیندا کئچمیش مالییه ناظری، اقتصادچی پروفسور فیکرت یوسیفوو دئییب.

اکسپرتین سؤزلرینه گؤره، فس-این ۲۰۱۷-جی ایل اوزره ایلک ایجلاسین‌دا اوچوت درجه‌سینی آرتیراجاغی پروگنوزلاشدیریلسا دا، گؤزله‌نیله‌ن قرارین قبول ائدیلمه‌مه‌سینین تأثیرلری قیسامدت‌لی اولاجاق:

«دوللارین اوجوزلاشماسی پروسسی اوزون مدت‌لی اولمایاجاق. چونکی آمئریکا مرکزی بانکی ۲۰۱۷-جی ایل اوچون دوللاری خیلی باهالاشدیرماق کورسونو آپاراجاق».

آذربایجاندا دوللارین اوجوزلاشماسینا گلینجه، اکسپرت حساب ائدیر کی، بونون ایکی سببی وار:

«بیرینجی‌سی، ایندیکی شرایط‌ده آذربایجاندا دوللارین اوجوزلاشماسی بین الخالق فاکتورلارلا باغلی‌دیر.

ایکینجی‌سی، مرکزی بانکین بانکلارداکی والیوتادییشمه منطقه‌لرینده ۴ فایزلیک مارژانی آرادان گؤتورمه‌سی، بو ساحه‌ده پروسئسلرین تام لیبراللاشماسی و بوندان سونرا والیوتا بازاریندا معین جانلانمانین باش وئرمه‌سی کورسا تأثیر ائدیب. بیر نئچه آی ایدی کی، والیوتا بازارلارین‌دا قیتلیق عمله گلمیشش‌دی، بانکلار والیوتا ساتمیردیلار و بو سبب‌دن ده کیفایت قدر والیوتا توپلانمیشدی. حاضردا بانکلاردا ییغیلمیش والیوتانین بازارا تکلیف اولونماسی فونوندا ماناتین محکه‌مله‌نمه‌سی باش وئریر».

قید ائدک کی، فس-این ۱ فورال تاریخلی اوچوت درجه‌سینین آرتیریلماماسی ایله باغلی قراریندان سونرا روسییا، تورکییه و آذربایجاندا دوللارین اوجوزلاشماسی مشاهده اولونور.