آذربایجان رسپوبلیکاسی دؤلت نفت شیرکتی (سوکار) ایرانین میللی نفت شیرکتینه مشترک بین الخالق شیرکت یاراتماغی تکلیف ائدیب.

بونو آپا-یا ایرانین نفت ناظرینین معاوینی و میللی نفت شیرکتینین باش دیرکتورو علی کاردور دئییب. کاردور مشترک بین الخالق شیرکتین تاسیس ائدیلمه‌سی اوچون شرطلری آچیقلاییب:

«اساس اودور کی، قارشییا مقصد قویولسون، ایشه باشلاماق اوچون نفت یاتاغی معیینلشدیریلسین. هللیک بو مسئله اوزرینده دانیشیقلار گئدیر. بو مسئله‌لر راضیلاشدیریلسا ایکی اؤلکه مشترک بین الخالق شیرکت تاسیس ائد‌جک».

کاردور سوکار-این ایرانا نفت مبادیله‌سی ایله باغلی تکلیفلر وئردیینی و حاضردا بو مسئله نین آراشدیریلدیغینی بیلدیریب.

«البته ایکی اؤلکه آراسیندا قدیم زامانلاردان نفت مبادیله اولونور. ایستییریک کی، بو مبادیله‌نی داها دا فعاللاشدیراق».

کاردور ایراندا نفت حاصیلاتینین سون دورومو ایله باغلی دئییب کی، ایران قارشیدان گلن ایک آیادک گونده‌لیک نفت حاصیلاتینی ۴ میلیون بارله چاتدیراجاق.