ایرانین عالی مصلحت شوراسینین صدری محسون رضایی اؤلکه‌نین آمریکا بیرلشمیش ایشتاتلارینین اؤلکه‌سینه قارشی قبول ائتدیی سانکسییالارین اقتصادیاتی آغیر وضعیته سالدیغینی اعتراف ائدیب.

Axar.az خبر وئریر کی، رضایینین سؤزلرینه گؤره، ایران بو وضعیت‌دن چیخماق اوچون «اینقیلاب و عراق محاربه‌سی دؤورونده‌کی دوستورلاری»نی ایشه سالمالیدیر.

محسون رضایی آمریکا بیرلشمیش ایشتاتلاری و آوروپانین نووه راضیلاشماسین‌دا اوزریلرینه گؤتوردوکلری «بؤیوک مسئولیتلر»ا عمل ائتمه‌مکده اتهام ائدیب: «آوروپالیلار نووه راضیلاشماسی زامانی ایرانین آوروپادان پتروکیمیا و نفت اعمالی ایله باغلی تکنولوگییالار ایدخال ائده، بوتون آوروپادا بانک آچا بیلجیی و ایران‌دان نفت آلاجاقلاری ایله باغلی عوهده‌لیکلر گؤتورسه‌لر ده، اما ترامپین پرزیدنت سئچیمه‌سین‌دن سونرا هئچ بیر ودلرینه عمل ائتمه‌دیلر»- دئیه عالی مصلحت شوراسینین صدری علاوه ائدیب.

قید ائتمک لازیم‌دیر کی، بو مالییه کانالی ایراندان آوروپا اؤلکه‌لرینه تقریباً ۸۰۰ میلیون- ۱ میلیارد دلار آراسین‌دا غیری- نفت محصوللارینین ایخراجاتینی نظرده توتور. ایران‌دان محصول آلان اؤلکه و شیرکتلر پولو بو کانالا اؤد‌یه‌جکلر. بو پول ایسه ایرانین آوروپا اؤلکه‌لری و شیرکتلرین‌دن ایدخال ائتدیی محصوللارین اوزینده اونلارا اؤد‌نیله‌جک.