سون گونلر گورجوستان جمعیتین‌ده داها بیر مسئله دقت مرکزین‌ده‌دیر. ائرمنیستان باش ناظرینین ایرانا سفرین‌دن سونرا ایران گازینین ارمنیستانا و گورجوستانا چاتدیریلماسی و اورادان آوروپایا بازارلارینا چیخاریلاجاغی باره‌ده موختلیف فیکیرلر سس‌لنیر. اساساً ارمنی سیاست‌چیلری و ارمنیپرست قوه‌لر حساب ائدیرلر کی، ایران گازی تئزلیکله ارمنیستانا و گورجوستانا چاتدیریلا بیلر. بو دا رگیون‌دا سیاسی، اجتماعی، اقتصادی و دیگر موناسیبتلرین، علاقه‌لرین دییشمه‌سینه سبب اولاجاق.

Axar.az خبر وئریر کی، گورجوستان‌دا بونون تام عکسینی دئیه‌ن سیاستچیلر ده وار. اونلارین فیکرینجه، ایران گازینین ارمنیستان و گورجوستانا، ائلجه ده بو اؤلکه‌لردن کئچمکله آوروپا بازارلارینا چیخاریلماسی ایناندیریجی دئییل. بونون اوچون چوخ موهوم سیاسی ایراده اولمالی، بعضی اؤلکه‌لرین و ایری شیرکتلرین ماراقلاری نظره آلینمالی‌دیر.

پولیتولوق تنگیز تخیلاوا حساب ائدیر کی، ایران اؤز طبیعی گازینی ارمنیستانا و گورجوستانا اوجوز قیمته تکلیف ائده بیلر. لاکین بونون رئاللاشماسی اوچون چوخ جدی مانعه‌لر وار. ایلک نؤوبه‌ده رگیون‌دا آرتیق فورمالاشمیش و سؤز صاحبینه چئوریلمیش اویون‌چولارین ماراقلاری نظره آلینمالیدیر. ایران گازینین ارمنیستان و گورجوستانا ساتیلماسی اوچون ایلک نؤوبه‌ده بو اؤلکه‌لری «ماوی یاناجاقلا» تعمین ائد‌ن اؤلکه‌لرین راضی‌لیغی لازیم‌دیر. ارمنیستان طبیعی گازی گورجوستان‌دا اراضی‌سین‌دن کئچمکله روسییادان آلیر. روسییا و یا آیریلیقدا گؤتورسک، دونیا اقتصادی سیستمین‌ده یئرینی توتموش «گازپروم» بونا راضی اولماز. ارمنیستان ایران گازینی آلماق اوچون «گازپروم»لا موقاویله‌یه یئنی‌دن باخمالی‌دیر. بو ایسه هم ده روسییا-ارمنیستان موناسیبتلرینه یئنی‌دن باخیلماسی دئمکدیر.

«اونا گؤره ده، دوشونوره‌م کی، «گازپروم» طبیعی گاز بازارینی، ائلجه ده ارمنیستانی ایتیرمه‌یه راضی اولماز»، - دئیه T.Txilava وورغولاییب.

پولیتولوق قئلا واشادزه ده حساب ائدیر کی، ایران گازینین ارمنیستانا ساتیلماسی رئال گؤرونمور. نظره آلینمالیدیر کی، ارمنیستانین گاز نقلیات سیستمینین صاحبی «گازپروم-ارمنیستان» شیرکتی‌دیر. «گازپروم» ایسه هئچ واخت رقیبینی یاخینا بوراخمایاجاق.

پولیتولوق قورام مارخولییا دا ایران گازینین ارمنیستان و گورجوستانا، ائلجه ده بو اؤلکه‌لرین اراضی‌سین‌دن کئچمکله بیرباشا آوروپایا چیخاریلماسینی مومکونسوز ساییر. اونون سؤزلرینه گؤره، ارمنیستان رهبرلیگی مسئله نی بیله‌رکدن قابارتماقلا و تئز-تئز مطبوعاتدا بونونلا باغلی یالان معلوماتلار یایماقلا ایجتیمایتی آلدادیر. ارمنیستان حکومتی یاخشی باشا دوشور کی، اونلارا هئچ کیم «گازپروم-ارمنیستان» ایله اولان موقاویله‌نی پوزماق ایمکانی وئرمز. دیگر طرف‌دن یئنی خطلر، کمرلر چکیلمه‌لی، اینفراستروکتور یارادیلمالیدیر. بونو اوچون ایسه کوللو میقداردا سرمایه لازیمدیر. هئچ بیر مالییه اینستیتوتو و یا دؤولت ریسک ائدیب بئله بیر سرمایه‌نی یاتیرماز.

دیگر آنالیتیک و اقتصادچی اکسپرتلر بو فیکیرده‌دیر کی، گورجوستان انرژی تهلوکسیزلیینی قوروماق و اینکیشاف ائتدیرمک اوچون موختلیف یوللار آختارا بیلر. بو گون پایتخت تیفلیس یاخینلیغین‌دا طبیعی گاز آنبارینین تیکینتیسی ایله باغلی معین ایشلر گؤرورلور. عینی زامان‌دا، روسییادان ارمنیستانا ساتیلان گازین گورجوستان اراضی‌سیندن نقلی ایله باغلی «گازپروم»دان طبیعی گاز آلینماسی و س. مسئله‌لر مؤوجوددور. لاکین ایران گازینین آلینماسی بو گون گورجوستان اوچون مقبول و الچاتان دئییل.