ایران ایله آذربایجان سیغورتا ساحه‌سینده امکداشلیق علاقه‌لرینی گئنیشلندیره‌جک و بیرگه اینوئستیسییا فوندو یاراداجاقلار.

Axar.az خبر وئریر کی، بو سؤزلری ایرانین اقتصادی ایشلر و مالییه ناظری فرهاد دژپسند دئییب. ناظر بیلدیریب کی، بو گون ایران ایله آذربایجانین موناسیبتلری یوکسه‌له‌ن خطله اینکیشاف ائدیر. هر ایکی اؤلکه‌نین اقتصادی پوتنسیالی داها گئنیش علاقه‌لرین قورولماسی اوچون ایمکان یارادیر.

او دقته چاتدیریب کی، سیغورتا ساحه‌سین‌ده امکداشلیق علاقه‌لرینین قورولماسی وطنداشلارین و شیرکتلرین ایش قورماق ایستکلرینه کؤمک‌لیک گؤستره‌جک. شیرکتلر قارشی‌لیقلی اینوستیسییا یاتیرارکن امین اولاجاقلار. اونلارین املاکی و مالییه وسایتلرینه دؤولتلر ظمانت وئره‌جک. بو ایسه قارشیلیقلی سرمایه یاتیریلماسینی آرتیراجاق.

ف. دژپسند نقلیات ساحه‌سینده امکداشلیغین داوام ائتدیینی وورغولاییب. قید ائدیب کی، شیمال-جنوب بین الخالق نقلیات دهلیزینین اساس کومپونئنتی اولان قزوین-رشت-آستارا(ایران)-آستارا(آذربایجان) دمیر یولونون چکیلیشی داوام ائدیر. بو یولون قزوین-رشت حیصه‌سی ایستیسمارا بوراخیلیب. رشت-آستارا حیصه‌سین‌ده ایسه ایشلر داوام ائدیر.

اونون سؤزلرینه گؤره، قارشی‌داکی ۲ ایلده رشت-آستارا یولونون تیکینتی‌سی باشا چاتاجاق و ایران ایله آذربایجانین دمیر یوللاری سیستملری بیرلشه‌جک. بو دمیر یولونون ایستیفاده‌یه وئریلمه‌سی هر ایکی اؤلکه‌نین غیری-نفت سکتورونون اینکیشافینا اساس‌لی تکان وئره‌جک.

ایران‌لی ناظر اونو دا بیلدیریب کی، دؤولتلر آراسین‌دا بیرگه بین الخالق اینوستیسییا فوندونون یارادیلماسی مسئله‌سی ده موذاکیره ائدیلیر.