ایستکهلم بین الخالق صولح پروبلملری تدقیقاتلاری اینستیتوتونون (سیپری) آپرئلین ۲۹-دا درج اولونموش ایللیک حساباتین‌دا ایرانین ۲۰۱۸-جی ایلده حربی خرجلرینین ۱۳ میلیارد ۱۹۴ میلیون دلار اولدوغو قید ائدیلیر. حساباتا اساساً، بو رقم ایرانین حربی خرجلرینین ۲۰۱۷-جی ایل ایله مقاییسه‌ده ۹.۵% آزالدیغینی گؤستریر.

Axar.az خبر وئریر کی، اینستیتوت گئریله‌مه‌نین سببینی اقتصادی پروبلملر، عمومی داخیلی محصولون آزالماسی و یوکسک اینفلیاسییا حدی ایله علاقلندیریب.

بون‌دان اؤنجه بین الخالق والیوتا فوندونون ایللیک ایستاتیستیکاسین‌دا ۲۰۱۸-جی ایلده ایران اقتصادی اینکیشافینین ۳.۹%، جاری ایلده ایسه گونده‌لیک ۹۵۰ مین بارل نفت ایخراجاتینی نظره آلماقلا، ۶% آزالاجاغی قید ائدیلیردی. فوندون پروقنوزونا اساساً، اگر آمریکا ایرانین نفت ایخراجاتینی صیفیرا ائندیرمه‌یه مویسر اولسا، بو آزالمانین حدی کسکین اولاجاق.

ایران اؤز حربی فعالیتلرینی داوام ائتدیرمک اوچون ایخراجاتدان الده ائدیله‌ن گلیرلرین آزالماسی سببین‌دن، آلتئرناتیو اولاراق اساساً اؤزل سئکتورا عایید لاییحه‌لرین ایجرا اولونماسی اوچون تاسیس ائدیله‌ن «میللی اینکیشاف فوندو»ندان پول گؤتورمیی پلانلاشدیریر. بئله کی، جاری ایلین فئورال آیینین ۴-ده ایرانین ۱۳۹۸-جی ایل (مارت ۲۰۱۹- مارت ۲۰۲۰-رئد.) بودجه لاییحه‌سینین اویغونلاشدیریلماسی کمیسییاسینین عضوو محمود نیگهبان سلامی «دینی لیدر» علی خامنیینین «میللی اینکیشاف فوندو»ندان حربی مقصدلر اوچون ۱.۵ میلیارد دلار وسایت آییریلماسینا گؤستریش وئردیینی دئمیشدی. خامنه ای ۱۳۹۶-جی ایلده ده قید اولونان فونددان عینی مقصدلر اوچون ۲.۵ میلیارد دلار گؤتورولمه‌سینه قرار وئرمیشدی.