افغانیستان مرکزی بانکی مایین ۲۰-ده بیانات یایاراق، ایرانین کابیل‌ده فعالیت گؤستره‌ن «آریان بانک»نین مجویزینی لغو ائتدیینی بیلدیریب.

Axar.az خبر وئریر کی، افغانیستان مرکزی بانکینین سؤزچوسو ائیمل آشور ژورنالیستلره آچیقلاماسین‌دا بیلدیریب کی، حکومت بیر سیرا اقتصادی پروبلملری نظره آلاراق، ایران بانکینین فعالیتینه سون قویماق قرارینا گلیب: «آریان بانک»این مجویزینینین لغو اولونماسین‌دا هر هان‌سی بیر سیاسی موتیو یوخ‌دور. ساده‌جه اولاراق، بانک، افغان‌لی سرمایه صاحبلرینه کرئدیتلر وئرمیر، افغانیستان داخیلین‌ده سرمایه قویولوشو اوچون کرئدیتلرین وئریلمه‌سین‌ده ایسه چوخ جزعی رول اویناییردی. حساب ائدیریک کی، ایران بانکینین بون‌دان سونرا افغانیستان‌دا هر هان‌سی بیر فعالیتی اولمایاجاق» –دئیه ائیمل آشور علاوه ائدیب.

«آریان بانک»این رئیسی داوود مهدییان ایسه مسئله ایله باغلی ژورنالیستلره آچیقلاماسین‌دا بیلدیریب کی، بو بانک، کابیل‌ده گؤستردیی ۱۴ ایللیک فعالیتین‌ده افغانیستانین بوتون قانونلارینا رعایت ائدیب: «بانکلارین بین الخالق قانونلارینا گؤره، هر هان‌سی بیر بانکین فعالیتی یالنیز ایفلاسا اوغرادیغینا و یا چیرک‌لی پوللارین یویولماسی ایله مشغول اولدوغونا گؤره لغو ائدیلمه‌لی‌دیر. بیز ایسه بو اؤلکه‌ده فعالیت گؤستردییمیز مدت‌ده افغانیستان قانونلارینی پوزمامیشیق و بوتون قانونلارا رعایت ائتمیشیک.