آنا صحیفه ایقتیصادیات |
ایشچیلرین مینیموم امک حاقی ۱.۵۰۰.۰۰۰ تومن، آیلیق خرجی ایسه تخمیناً، ۵.۰۰۰.۰۰۰ تومن تشکیل ائدیر.
بو سؤزلری اصفهان مرکزی ایش شوراسی رهبری و مملکتین عالی ایش شوراسینین ایداره هئیتینین عضوو احمد رضا معینی دئییب. او، ایشچیلرین مینیموم امک حاقینین ۱ میلیون ۵۰۰ مین تومن اولماسینا باخمایاراق، بوگونکو اینفلیاسییا سوییهسینه گؤره، خرجلرینین، تخمیناً، ۵ میلیون تومنه چاتدیغینی بیلدیریب:
«مختلیف ییغینجاقلاردا ایشه گؤتورهنلره بیلدیرمک نیتیندییک کی، کئچهن ایلین سونوندا معین ائدیلمیش امک حاقی نظره آلینماقلا ایشچیلرین یاشاییش خرجلری هله قارشیلانماییب. ایندی خرجلر ایشچیلرین آلدیغی امک حاقلاریندان نئچه قات چوخدور. نقطه به نقطه اینفلیاسییا آزالسا دا، ایللیک اینفلیاسییا هله آزالمامیشدیر. تأسف کی، بو گون ایشچیلرین مینیموم امک حاقینین اوچده ایکیسی منزیل کیرایهسینه خرجلنیر. آرتان باهالاشما ایله ایشچیلرین امک حاقی بوشلوغونا گلدیکده ایسه، یوخسوللوق حدی هر ویلایتین شرطلرینه اساساً ۷ میلیون ۵۰۰ مین تومن ایله ۴ میلیون تومن آراسیندا دییشیر. کئچن ایل اینفلیاسییایا گؤره بیر ائو خرجینین دیری تخمیناً ۳،۷۰۰،۰۰۰ تومن ایدی. بوگونکو اینفلیاسییا سوییهسینه گؤره، تخمیناً ۵ میلیون تومنه چاتدی. حالبوکی، بو گون ایشچیلرین مینیموم امک حاقی بیر میلیون ۵۰۰ مین تومندیر»، – معینی بیلدیریب.
تاریخ
2019.08.26 / 23:16
|
مولف
Axar.az
|