بو باره‌ده تورکییه‌نین تیجارت ناظری روخسار پئکجان ایسوئچره‌ده‌کی «داووس» بین الخالق اقتصاد ایجلاسین‌دا «بلومبرگ» آگنتلیینه دانیشارکن دئییب.

آخار. آذ خبر وئریر کی، او، ۲۰۱۹-جو ایلده تورکییه‌نین ایرانا اولان ایخراجینین ۱۸۰ میلیارد ۴۶۰ میلیونا چاتدیغینی بیلدیریب.

تورکییه هر زامان آمریکانین ایرانا قارشی سانکسییالارینی تنقید ائدیب. اؤت‌ن ایلین مایین‌دان آمریکا سانکسییالارینا گؤره تورکییه‌نین ایران‌دان نفت آلیشینا سون قویولوب.

تورکییه‌نین ایستاتیستیکا مرکزینه گؤره، کئچن ایلین ۱۱ آیین‌دا ایرانا اولان ایخراجات ۲.۱ میلیارد دلار تشکیل ائدیب. ۲۰۱۸-جی ایلین بنزر دؤورون‌ده ایسه بو رقه‌م ۲۰۰ میلیون دلار، ۲۰۱۷-جی ایل ایلده ایسه ۱.۱۵ میلیارد دلار اولوب.

عینی زامان‌دا کئچن ایلین ۱۱ آیین‌دا ایران‌دان ۳.۲ میلیارد دلار ایدخالات اولوب کی، بو، ۲۰۱۸-جی ایلین بنزر دؤورونده ۶.۵ میلیارد، ۲۰۱۷-جی ایلده ایسه ۷ میلیارد دلار اولوب.

بو حسابلا، ایران و تورکییه‌نین ایکیطرف‌لی تیجارتی ۲۰۱۷-جی ایله گؤره تقریباً یارییا دوشوب.

پئکجان عمومیتله کئچه‌ن ایل تورکییه‌نین ایدخالاتینین ۹ فایز آزالدیغینا و ۲۱۰ میلیارد ۴۰۰ میلیون دلارا ائندیینه دقت چکیب.

اونون سؤزلرینه گؤره، بو اؤلکه‌نین اقتصادی تارازلیغی کئچه‌ن ایل ۲۰۱۸-جی ایله گؤره ۴۵ فایز دوزلیب و بو، بیر اوغوردور.

روخسار پئکجان، داووس-دا آمریکانین تیجارت ناظری ویلبر راس ایله گؤروشون‌ده ایکی اؤلکه‌نین تیجارت حجمینین ۱۰۰ میلیارد دلارا چیخماسینا تاکید ائلدیکلرینی بیلدیریب.