ایران و روسیا آراسین‌دا هرطرف‌لی استراتژی طرفداشلیق حاقین‌دا مقاویله حربی اتفاقین فورمالاشدیریلماسینی نظرده توتمور. سند مدافعه ساحه‌سینده امکداشلیق داخیل اولماقلا، ایکی طرف‌لی مناسیبتلرین بوتون آسپکتلرینین انکشافینا یؤنلیب.

Axar.az خبر وئریر کی، بو باره‌ده ایرانین خاریجی ایشلر ناظری عباس عراقچی بیان ائدیب.

«بو، کومپلکس و هرطرف‌لی بیر مقاویله‌دیر. او، ایکی‌طرف‌لی مناسیبتلرین بوتون آسپکتلرینی احاطه ائدیر، خصوصیله اقتصادیات و تجارته خصوصی دقت یئتیریلیر. مقاویله تهلوکه‌سیزلیک و مدافعه ساحه‌سینده امکداشلیغی نظرده توتور، لاکین حربی اتفاق یاراتماق مقصدینی گودمور»، - دئیه ایران‌لی دیپلومات بیلدیریب.

اونون سؤزلرینه گؤره، مقاویله اوچونجو اؤلکه‌لره قارشی یؤنلمه‌ییب و روسیا ایله ایرانی هئچ بیر شکیل‌ده محدودلاشدیرمیر.

خاطرلاداق کی، داها اول کرملین‌ین معلوماتینا اساساً، روسیا پرزیدنتی ولادیمیر پوتین و ایران پرزیدنتی مسعود پزشکیان ۱۷ یانوار تاریخینده دانیشیقلاردان سونرا هرطرف‌لی استراتژی طرفداش‌لیق حاقین‌دا مقاویله امضالایاجاقلار.