خالق آرتیستی عاریف بابایئو وفات ائدیب.

Kult.az خبر وئریر کی، او بو گون وفات ائدیب.

خالق آرتیستی ایولون ۲۳-ده کسکین تنفس چاتیشمازلیغی دیاگنوزو ایله قاخ رایون مرکزی خسته‌خاناسینا هوسپیتالیزاسییا اولونوب. وضعیتی کریتیک آغیر اولدوغوندان پایتخت‌دکی طب موسسه‌سینه تخلییه ائدیلیب و وفات ائتمه‌سینه قدر بورادا معالیجه‌سی داوام ائتدیریلیب.

قید ائدک کی، عاریف بابایئو ۲۰ فورال ۱۹۳۸-جی ایلده آغدامین ساریجالی کندینده آنادان اولوب. آذربایجان مدنیت و اینجه‌صنعت اونیورسیتتینی بیتیردیکدن سونرا آذربایجان دولت فلارمونیاسین‌دا و آذربایجان دؤت آکادمیک اوپئرا و بالت تئاتریندا چالیشیب.

عریف بابایئو موغام اوپرالاریندا مجنون، کرم (حاجیبیوو "لیلی و مجنون"، "اصلی و کرم")، آشیق غریب ( حاجبیوو "آشیق غریب")، جمال (ش. آخوندووا "گلین قایاسی") کیمی یادداقالان اوبرازلار یارادیب، ائلجه ده اونون ایفاسیندا بوتون موغام دستگاهلاری سسلنمیش و لنته آلیناراق آذربایجان دولت تلویزییاسینین "قیزیل فوند"اونا داخیل اولموشدور.

۱۹۸۴-جو ایلده ایلک موغام معلمی کیمی آذربایجان دولت کونسرواتوریاسینا ایشه قبول اولونان خواننده ۱۹۹۰-جی ایلده تاریخ‌ده ایلک دفعه موغام پروفسورو آدی آلیب و اوزون مدت ملی کونسرواتورییانین موغام کافدراسینا رهبرلیک ائدیب.

"شهرت"، "شرف"، "استقلال" اوردنلی خالق آرتیستی ۲ فورال ۲۰۲۴-جو ایلده "حیدر علیئوین ۱۰۰ ایللیی (۱۹۲۳–۲۰۲۳)" یوبیلی مدالی، ۸ مای ۲۰۲۵-جی ایلده ایسه حیدر علیئو مکافاتی ایله تلطیف اولونموشدور.

الله رحمت ائلسین!