بعضا جوتلوکلر وردیشلرینه اویغون یاتاقدا اؤزلرینه راحت یئری سئچیرلر. کیمی ساغ طرفده، کیمی سول طرف‌ده. چوخ زمان ایسه قادین تئز-تئز اویاندیغی و اوشاغا باخدیغی اوچون قاپیا طرف یئری سئچیر.

Kult.az خبر وئریر کی، قدیم اینانجلارا گؤره، جوتلویون یاتاق‌دا یاتما طرزیندن اونلارین خوشبخت‌لییی آسیلیدیر.

ننه-بابالاریمیز حساب ائدردی کی، قادین مطلق کیشینین ساغیندا یاتمالیدیر. بو اونونلا ایضاح ائدیلیر کی، کیشینین ساغ طرفی اونون روحونا، آئوراسینا ان یاخین حیصه‌دیر و ان چوخ اعتبار ائتدیی انسانین یئریدیر. ائل آراسیندا فیلانکس ساغ الی‌دیر افاده‌سی ده اعتبارلیلیق معناسیندا بوردان قایناقلانیب.

ساغ ال حقیقت و الی آچیقلیغین سیموولودور. مقدس کتابا آند ایچنده مطلق ساغ الی کیابین اوزرینه قویارلار.

ساغ ال‌له گؤروشولور، ساغ ال‌له اوشاغین باشینا سیغال چکیلیر، ساغ الین کوره‌یه وورولماسی اعتبار نشانه‌سی‌دیر.

سول ال ایسه یالان سیموولودور. اونا گؤره ده، قادین کیشینین ساغیندا یاتمالی‌دیر.

چین فلسفه‌سینه گؤره ده قادین یاتاق‌دا کیشینین ساغ طرفینده اولمالیدیر. ساغ طرف قادین انرژیسی‌دیر. ساغ طرفده یاتدیقدا قادین انرژیسی ایله کیشینی اوسته‌له‌ییب، اونو یاتاقدا داها امین ائده، ائلجه ده کیشینین خیانتینین قارشی‌سینی آلا بیلر.

چین و یاپون اینانجلارینا گؤره، کیشینین سول طرفینده یاتدیقدا قادینین حامیله قالماسی و اوشاق دوغماسی چتینلشیر.

قادینین سول طرفی اونون اوشاغینین بشیینین یئریدیر. او، سول الی ایله اولادینی ساکیتلشیرمه‌لی، ساغ الی ایله ارینه توخونمالیدیر.

ائله حساب ائدیلیر کی، اینتویتیو اولاراق ارینه اوشاق کیمی یاناشان، آنا یئرینی توتان قادین آوتوماتیک اونون سول طرفین‌ده اوزانیر. بو دا جوتلویون اینتیم انرگتیکاسینی داغیدیر، کنفلیکتلره، سویوقلوغا یول آچیر.