بیزده و تورکیه تورکلرینین دیلینده چوخ ایشله‌دیله‌ن ینگه، آبی، کانکا، جیژی و همشیره سؤزلرینین نئجه یارانماسیندان دانیشاجاغیق.

Kult.az «بئله یارانیب» روبریکاسیندا ماراقلی فاکتلاری تقدیم ائدیر.

ینگه سؤزو یئنی گلین سؤزوندن یارانیب. آذربایجانین غرب بؤلگه‌لرینده ینگه توی گئجه‌سی گلینی مشایعت ائد‌ن خانما یوخ، ائوین گلینینه دئییلیر.

آبی سؤزو آغا بی سؤزوندن یارانیب. بؤیوک قارداشا آغا دئمک قدیم آذربایجان‌لیلاردا دا اولوب. آغا بی یعنی بؤیوک بی، ائوین بؤیوک اوغلو.

کانکا سؤزو کان کاردشی (قان قارداشی) دئمه‌دیر. قدیم تورک عادتلرینه گؤره، دوست اولماق ایسته‌یه‌ن تورکلر بیلکلرینی چرتیب قانلارینی بیر-بیرلرینه قاتیر، بونونلا دا عمرلوک قارداش اولدوقلارینی بیلدیریردیلر. قان قارداشی چوخ زمان بیر آنادان، بیر آتادان دوغولموش قارداشدان داها عزیز اولوردو.

اساساً رایونلاریمیزدا یاشلی قادینلارا خیطابا جیژی سؤزو ایشلدیلیر. جیژی جیجی سؤزوندن یارانیب، ایکی آروادلی عائله‌لرده کیشینین یئنی آروادی جیجی، یعنی تزه آدلانیردی. بیرینجی آرواددان اولان اوشاقلار دا یئنی آنایا جیجی آنا دئییردیلر. بئله‌جه، زمان کئچدیکجه جیجی دؤنوب اولدو جیژی.

همشیره سؤزو اوزون ایللر آذربایجانلیلارین دا دیلینده استفاده اولونوب. بو گون تورکلر طب باجی‌سینی همشیره آدلاندیریرلار. همشیره باجی دئمکدیر. آنا بتنینده عینی شیره‌دن بسلنمیش آنلامینی وئریر.