تورکیه‌ده یئشیلچام فیلملرینین مشهور آکتری‌ساسی هولیا کوچییغیت، آکتیورلار بئرک اوقتای، آنیل آلتان و آکتریسا دویغو سؤنمز تورکیه-آذربایجان تورک فیلم گونلری چرچیوه‌سینده باکییا گلیب.

Kult.az خبر وئریر کی، تورکیه‌نین یونوس امره اینستیتوتونون باکی نومایندلیینده آکتریسا ایله گؤروش کئچیریلیب.

هولیا کوچییغیت باکی حاقین‌دا تصوراتلارینی بؤلوشوب.

"اؤتن ایللرده باکییا گله بیلمه‌میشدیم. همیشه مدنیت ناظیرلییمیزه دئییردیم کی، منی باکییا آپارسینلار. چونکی بیز عینی دویغولاری یاشاییریق، عینی فیلملری ایزلییریک. بو گون سیزینله گؤروشدویوم اوچون چوخ خوشبختم. یاخشی کی، فیلم ساحه‌سی وار. قلبیم‌ده داشیدیغیم سئوگینی سیزلرله فیلملریم واسطه‌سیله بؤلوشدوم. ایندی ایسه یئنی‌دن بیرلیکدییک، نه خوش منه!" - آکتریسا علاوه ائدیب.

آکتیور بئرک اوقتای چیخیشین‌دا باش‌دا ملی قهرمان مبارز ابراهیموو اولماقلا، وطن اوغرون‌دا جانینی فدا ائد‌ن بوتون شهیدلریمیزی یاد ائدیب.

او، شهریمیزین چوخ گؤزل و تمیز اولدوغونو وورغولاییب:

"انسانلار باخیمین‌دا فرق یوخ‌دور. عینی میللتیک".