تورکییه‌نین چاناققالا ولایتی اراضی‌سینده آرتیق ۱۶۰ ایلدن چوخ‌دور داوام ائد‌ن ترویا قازینتیلارین‌دا دنیا آرخئولوگییا ادبیاتینا داخل اولاجاق اهمیتلی بیر تاپینتی آشکار ائدیلیب. تورکیه‌نین مدنیت و توریزم ناظیرلیینین «گله‌جه‌یه ارث» لاییحه‌سی چرچیوه‌سینده آپاریلان تدقیقاتلاردا ترویا سیویلیزاسییاسینین ائرکه‌ن تونج دؤورونه (میلاددان اول ۲۵۰۰) عاید قیزیل حالقالی بروش آشکارلانیب.

Kult.az خبر وئریر کی، بروشلا یاناشی، عینی طبقه‌ده بورونج اینه و سون درجه نادر یاشما داشی دا تاپیلیب.

بونونلا باغلی آچیقلاما وئرن تورکیه‌نین مدنیت و توریزم ناظیری محمت نوری ائرسوی اثرلرین آرخئولوگییا دنیاسی اوچون ان مهم کشفلر سیراسیندا اولدوغونو وورغولاییب.

ترویا موزئیینین تاپینتیلارا ائو صاحبلیی ائدجیینی دئیه‌ن ائرسوی بیلدیریب کی، دنیادا معلوم اولان جمعی ۳ نمونه‌دن ان یاخشی قورونموش اولان بو بروش سون ۱۰۰ ایلین ان مهم تاپینتیلاریندان بیریدیر. ۲-جی ترویا شهرینین طبقه‌لریندن تاپیلان بو اشیاء ائرامیزدان اول تخمیناً ۲۵۰۰-جو ایللره عاییددیر. یاشما داشی ایسه ۴ مین ۵۰۰ ایل اولکی لوکس استهلاک محصوللاریندان بیری کیمی دقت چکیر. بو اونیکال اثرلر تئزلیکله ترویا موزئیینده سرگیلنه‌جک.