تبریزده پینوکیو کوکلا تاماشاسی آذربایجان تورکجه‌سینده صحنه‌یه چیخاریلاجاق.

Kult.az خبر وئریر کی، بوحاقدا تبریزلی رژیسسور علی برنون معلومات وئریب.

"پینوکیو تاماشاسی تبریزده و آذربایجان تورکجه‌سین‌ده ایلک دفعه نماییش ائتدیریلیر. بو اثرین استحصالی تخمیناً بئش آی چکیب و ۱۵ نفر مختلیف شعبه‌لرده، او جمله‌دن کوکلا دیزاینی، موسیقی، ایشیقلاندیرما، سس و ایفاچیلیق شعبه‌لرین‌ده چالیشیب"،- او بیلدیریب.

برنون دئییب کی، پینوکیو ۸۰-جی ایللرده‌کی اوشاقلارین چوخو اوچون گؤزل خاطره‌دیر:

"بو تاماشا والیدینلر و اونلارین اوشاقلاری آراسیندا کؤرپو رولونو اوینایا بیلر".

تبریزلی رژیسسور تبریزده‌کی تئاتر سالونلارینین وضعیتین‌دن ده ناراضیلیغینی بیلدیریب و مسئوللارین بو ساحه‌یه لاقید مناسیبتینی بو صنعت ساحه‌سینین کیفایت قدر انکیشاف ائتمه‌سینه مانع اولدوغونو سؤیله‌ییب.