۱۹۵۹-جو ایلده بسته‌کار فکرت امیروو ریحانا حصر اولونان «داغلار قیزی ریحان» شعرینه موسیقی بسته‌له‌ییب. ۱۹۶۰-جی ایلده ماهنینی ایلک دفعه اس.اس.ار.ای خالق آرتیستی رشید بهبودوو ایفا ائدیب، آما بو ماهنی اس.اس.ار.ای خالق آرتیستی زینب خانلارووانین ایفاسین‌دا داها دا مشهورلاشیب.

Kult.az خبر وئریر کی، بو ماهنینین حصر اولوندوغو ائتنیکی تات اولان ریحان خاچماز رایونونون پادار کندینده دوغولوب و بؤیویوب.

حیاتی حاقین‌دا چوخ آز معلومات وار.

معلوماتا گؤره، ۱۹۱۸-جی مارت آیین‌دا، ریحانین تویو زمانی ارمنی داشناکلار هجوم ائدیر و تویون بیی اؤلدورولور. ریحان داغدان داغا قاچیر، قوبا رایونونون خانگاه کندینین یانین‌دا یئرلشن آغ قایا آدیندا بیر داغا چاتیر و اوردا بیر نئچه گون قالیر. خانگاه‌دا یاشایان انسانلار ریحانی گؤروب ائولرینه آپاریرلار و اونا یئمک، پالتار وئریرلر. ریحان کنده چاتاندان سونرا کیشی پالتاری گئیینمه‌یه و باشینا پاپاق قویماغا باشلاییر.

کندده نئچه واخت یاشادیقدان سونرا ریحان اؤز کندینی خاطرلاییب داشناکلاردان قیصاص آلماق ایستییر. ریحان قیصاص آلماق خبرینی یاشادیغی کندین یانین‌دا یئرلشن کندلره گؤندریر و او اراضی‌ده یاشایان بوتون الی سلاح توتان جوانلار دسته‌یه قوشولور. حاضرلاشدیقدان سونرا ریحان و باشینا ییغدیغی دسته قوبا رایونونون گلین‌قایا کندین‌ده داشناک قوه‌لری ایله دؤیوشوب و یوزلرله داشناکلاری اؤلدوره‌رک مغلوب ائدیب.

۱۹۲۸-جی ایلده ریحان حبس اولونور، اما بولشئویکلر طرفیندن گوله‌له‌نمه‌یه آپاریلان زمان خلاص ائدیلیر. ریحانین آدی و سویادی دییشدیریلیر. او، کریمداکی بیر مناسترا یئرلشدیریلیر. هانسی مناسترا یئرلشدیریلدیی معلوم دئییل.

داغلار قیزی ریحان، ریحان

پارلاق دان اولدوزو ریحان، ریحان…

عالم سنه حیران، حیران، حیران …

نه قشنگسه‌ن، آی قیز،

گول-چیچکسه‌ن، آی قیز،

بیر دانه‌سه‌ن، آی قیز،

دوردانه‌سه‌ن، آی قیز…

گؤزللر گؤزه‌لی ریحان، ریحان،

سئودامین از‌لی ریحان ریحان،

عالم سنه هئیران، هئیران، هئیران …

نه قشنگ‌سه‌ن، آی قیز،

گول-چیچک‌سه‌ن، آی قیز،

بیر دانه‌سه‌ن، آی قیز،

دوردانه‌سه‌ن، آی قیز…

زیل قارادیر گؤزون ریحان، ریحان،

بال‌دان شیرین سؤزون ریحان، ریحان.

عالم سنه هئیران، هئیران، هئیران…

نه قشنگ‌سه‌ن، آی قیز،

گول-چیچک‌سه‌ن، آی قیز،

بیر دانه‌سه‌ن، آی قیز،

دوردانه‌سه‌ن، آی قیز…