آذربایجانین میللی قهرمانی مباریز ایبراهیم اوون حیاتیندان بحث ائد‌ن بدیعی فیلمین تیزری یاییملانیب.

تلقراف. کوم خبر وئریر کی، ۲۰۱۵-جی ایلدن بری حاضرلیقلاری داوام ائد‌ن فیلمین ایستحصالی تورکییه‌ده ۱۵ ایولدا باش وئرن دؤولت چئوریلیشینه جهدله باغلی تاخیره سالینمیشدی.

تورکییه‌نین «ایست فیلم» شیرکتینین ایستحصلی اولان فیلمه آذربایجانلی و تورکییدن اولان رژیسورلار قورولوش وئرجک. ایستحصالچی شیرکت فیلمین آذربایجان و تورکییه مشترک ایستحصالی اولاجاغینی هللیک بیلدیرمه‌ییب.

«ایست فیلم» چکیلیشلرین بؤیوک اکثریتینین آذربایجاندا آپاریلاجاغینی بیلدیریب. فیلم ۲۰۱۸-جی ایلده اکرانلارا چیخاجاق.

مباریز ایبراهیم او ۱۹۸۸-جی ایل فورالین ۷-ده بیله سوار رایونونون علی آباد کندینده آنادان اولوب. ۱۹۹۴-جو ایل شهید پیرییو آدینا علی آباد کند اورتا مکتبینه داخیل اولوب. ۲۰۰۵-جی ایلده اورتا تحصیلینی باشا ووروب، حربی خیدمته چاغریلیب. حربی خیدمتینی ۲۰۰۷-جی ایلده چاووش روتبه‌سینده باشا ووروب.

بیر مدت «اینتر سکیوریتی» مولکی ایشلرده ایشلدیکدن سونرا، ۲۰۰۹-جو ایلین آوگوست آییندا یئنیدن گیزیر روتبه‌سینده حربی خیدمتده چالیشماغا باشلاییب. بیر مدت سونرا اؤز آرزوسو ایله جبهه بؤلگه‌سینده‌کی حربی حیصه‌لردن بیرینده خیدمت ائتمه‌یه باشلاییب.

۱۸ ایون ۲۰۱۰-جو ایل تاریخینده گئجه ساعت ۲۳:۳۰ رادلرینده گیزیر مباریز ایبراهیم او تکباشینا ایکی اوردو آراسینداکی بیر کیلومترلیک مینالانمیش ساحه‌نی کئچیر. ارمنیستان سلاحلی قولرینین چوخ سایدا عسگر و ظابطینی گؤزلنیلمز بیرینجی حمله‌ده محو ائدیر. سونرا ایسه دوشمه‌نین اؤز سلاحلارینی اؤزونه قارشی ایستیفاده ائد‌رک ۵ ساعت اونلارلا تک به تک دؤیوشور.

دوشمنی آغیر ایتکیلره معروض قویور، اونلارین ضعیف جیناهلارینی اوزه چیخاریر. آذربایجان دؤیوشچوسو سحر ساعتلاریندا غیری-برابر دؤیوشده قهرمانجاسینا شهید اولور.