بو گون آذربایجان آشیق صنعتینین گؤرکملی نماینده‌لریندن اولان، شیروان آشیق مکتبینین اوستادلاریندان ساییلان آشیق محمود علسگروغلونون ۷۱ یاشی تامام اولور.

آشیق محمود علسگروغلو ۱۹۴۶-جی ایلده شاماخی‌دا آنادان اولوب. آذربایجان پولیتخنیک اینستیتوتونو (ایندیکی آدتو) و آذربایجان دؤولت اونیورسیتتینی (ایندیکی باکی دؤولت اونیورسیتتی) بیتیریب.

شیروان آشیق محیطینین آغیرلیغینی اوزون مدت چینین‌ده داشییان آشیق محمود قدیم هاواجاتلارین برپاسیندا و لنته آلینماسیندا مستثنا رول اویناییب، بو ساحه‌ده آراشدیرمالاری واختاشیری اولاراق علمی ادبیاتلاردا درج اولونوب و کاتالوقلاشدیریلیب. او، آذربایجانلا یاناشی، خاریجی اؤلکه‌لرده ده آذربایجان میللی صنعتینی تبلیغ ائد‌ن نادیر آشیقلاردان ایدی. هله سووئتلر دؤورونده آشیق محمود روسییا دا داخیل اولماقلا (موسکوادا کئچیریلن آذربایجان مدنیتی گونلری) اس اس ار ای-نین مختلیف رئسپوبلیکالاریندا، او جمله‌دن آلمانییا (آلمانییا فدراتیو رسپوبلیکاسی و آلمانییا دموکراتیک رسپوبلیکاسیندا)، تورکییه، فرانسا، ایران و دیگر اؤلکه‌لرده آشیق صنعتینی تبلیغ ائدیب.

آشیق محمود قرب آشیق محیطی ایله شیروان آشیق محیطی، عینی زاماندا تبریز و اورمییه آشیق موحیطلری آراسیندا سرحد قویمایان و بوتون آشیق محیطلرینه مخصوص هاواجاتلاری ایفا ائتمیی باجاران نادیر آشیقلاردان ساییلیردی. اونون ایفاسیندا سس‌لنن قرب آشیق محیطینین "کوروغلو"، "ساریتئل"، "گؤیچه گولو"، او جمله‌دن "تبریز گؤزله مه‌سی" و س. هاواجاتلار شیروان آشیق محیطینه مخصوص آنسابلین مشایعتی ایله آذربایجان رادیوسونون قیزیل فوندوندا ساخلانیلیر. ایلک دفعه اولاراق "کوروغلونون شیروان سفری"نی مممد جفرزادنین (عزیزه جفرزادنین قارداشی) آرخیویندن و یادداشلاردان برپا ائدیب، لئنته یازدیرارکن آذربایجانین بوتون آشیق محیطلرینه مخصوص هاوالاریین بیر قیسمینی سؤزوگئدن داستاندا بیرلشدیریب.

آشیق محمود آذربایجان آشیقلار قورولتایین‌دا ایلک محاضیره دئین آشیقلاردان اولوب، مختلیف مدال و دیپلملارلا تلتیف ائدیلیب.

اونا یاخین خالق داستانینین یارادیجی‌سی‌دیر، آشیق شعیرینین مختلیف فورمالاریندا - او جمله‌دن قیفیلبند، تجنیس، جیغالی تجنیس، مخممس، دیوانی ژانریندا – یوزلرله ایندی ده آشیق و خاننده‌لرین ایفاسیندا سس‌لنن شعرلرین مؤلفی‌دیر. اؤلوموندن سونرا "عؤمور بیوفالیق ائتمییدی کاش" شعرلر کیتابی (۲۰۰۳) ایشیق اوزو گؤروب.

آذربایجانین اوستاد آشیقلاریندان اولان محمود السگروغلو عمرونون سونونادک پارالئل اولاراق معلم‌لیک فعالیتینی ده داوام ائتدیریب.

آذربایجانین مشهور عرفان اوجاقلاریندان صوفی حمیدین نسلیندن اولان آشیق محمود ۲۰۰۲-جی ایل ایونون ۳-ده وفات ائدیب.

آذربایجانین معاصر دؤورونون اوستاد آشیقلاریندان ساییلان آشیق ووقار محمودوغلو آشیق محمودون بؤیوک اوغلودور. آشیق ووقار بیلدیریب کی، یاخین واختلاردا آشیق محمود السگروغلونون ۷۰ ایللیک یوبیلیی کئچیریله‌جک:

"حاضردا آشیق محمودون یوبیلئی تدبیرینه حاضرلیق ایشلری گؤرولور. آذربایجان آشیقلار بیرلیینین صدری محرم قاسیملی و اونون رهبرلیک ائتدیی قوروم یوبیلئیین یوکسک سوییه‌ده کئچیرلیمه‌سی اوچون حاضرلیق ایشلرینده یاخیندان ایشتیراک ائدیر. تدبیرین کئچیریلمه‌سینه همچینین قوبوستان ایجرا حاکمیتینین باش‌چیسی عادیل ممدوو دا دستک وئریر".

آشیق محمودون "یا علی" شعرینی تقدیم ائدیریک:

یا علی

سن‌سن حاقین حاق یولوندا نورلو خیلقت، یا علی!

سندن قالدی یئر اوزونده دوزلوک، غیرت، یا علی!

اومیدسیزلر اومودیسه‌ن، داننده‌لر دایاغی،

ازل گوندن مرد اولانلا قیلدین اولفت، یا علی!

مشکول ایشه چاره قیلان آدینا جانیم فدا،

کیم سیغینسا صدق اورکله یاخین دوشمز قان-قادا،

چتین آندا، دار آیاقدا یئتیشنسه‌ن ایمدادا،

آرخاییندی قودرتینه جمعی هممت، یا علی!

پیغمبریم دعا قیلدی، بیر اولانیم شیر دئدی،

جنگه گیرن اصحابه‌لر مورشود بیلدی، پیر دئدی،

نئچه کافر قوررلنیب میدانیما گیر دئدی،

زربین گؤرجک گؤزلرینده دوندو حیرت، یا علی!

زولفوقارین بیر زربیندن سوسدو خیبر قالاسی،

برباد اولدو کافرلرین سیغیندیغی یوواسی،

تانیتدیردی دوشمه‌نلره سنی خندک داواسی،

توبه قیلیب گلدی دینه نئچه میللت، یا علی!

مؤمنلرین دیلینده‌سن ازبر، آدین قوربانی،

بیر قیرپیمدا دولانیرسان دولدولونله دونیانی،

اولایدی کاش قولون محمود، قازانایدی اوقبانی،

قلبیم‌ده‌سن گئجه-گوندوز، قیل مرحمت، یا علی!