بو گون آلمانییانین اس اس ار ای-یه محاربه اعلان ائتمه‌سیندن – بؤیوک وطن محاربه‌سینین باشلاماسین‌دان ۷۶ ایل اؤتور.

آخار. آذ خبر وئریر کی، ۳۰ میلیوندان آرتیق اینسانین اؤلومونه سبب اولان محاربه‌ده ۷۰۰ مینه یاخین آذربایجانلی ایشتیراک ائدیب. اونلاردان ۳۰۰ مینی هلاک اولوب.

ایکینجی دونیا محاربه‌سینین اساس حیصه‌سینی تشکیل ائد‌ن بؤیوک وطن محاربه‌سی (۱۹۴۱-۱۹۴۵) دونیانین سونراکی تالعینی معین ائد‌ن ان بؤیوک و ان قانلی ساواش ایدی.

ژورنالیست فامیل جعفرلی فیسبوک سوسیال شبکه‌سینده تاس پرس-این ترتیب ائتدیی کیتابدان بیر حیصه‌نی پایلاشاراق، سؤزوگدن محاربه‌نین باشلاماسی حاقدا ماراقلی فاکتی بؤلوشوب:

«...۱۹۴۱-جی ایل ایونون ۱۳-ده ژوکوولا تیموشنکو ایستالینه آلمانلارین فعاللاشماسی باره‌ده نوبتی دفعه تلاشلا معلومات وئردیلر. ایستالین حرسلی-حرسلی دئدی:

– بو حاقدا فیکیرلشریک.

سحری گون ژوکوو سفربرلیک اعلانی ایدئیاسینی یئنه اورتایا آتاندا ایستالین لاپ اؤزوندن چیخدی:

– بو، هیتلرله محاربه دئمک اولاجاق. منی باشا دوشورسونوز، یا یوخ؟ کشفیاتین هر دئدیینه باش قوشماق اولماز...

...ایکی گوندن سونرا ژوکوولا تیموشنکو اوچ ساعت داوام ائد‌ن ایجلاسدا مسئله نی داها جدی شکیلده قویاراق ایستالینی عصبیلشدیردیلر. ایستالین قلیانینی چیخاریب کوپونو حرسله ماسایا دؤیجله‌یه‌رک کولونو بوشالتدی. سونرا قفیلدن آیاغا قالخیب ژوکووون اوستونه قیشقیردی:

– بورا بیزی محاربه ایله قورخوتماغا گلمیسینیز، یوخسا ایندییه قدر آلدیغینیز مکافاتلار سیزه آزلیق ائلییر، اونا گؤره یئنه محاربه ایستییرسینیز؟

رنگی آوازیمیش ژوکوو ایلشدی. لاکین تیموشنکو ال چکمیردی. ایستالین بیر داها غضبله یئریندن آتیلدی:

– تیموشنکونو حربچی کیمی تانیماسایدیم، چوخدان گولللتدیرمیشدیم. او، گؤزل اینساندیر. ایری باشی وار، اما بئینی باشینا گؤره چوخ کیچیکدیر...»

فامیل جعفرلی اس اس ار ای لیدری ایستالینین آلدیغی کشفیات معلوماتلارینا اینانمادیغینی گؤسترن داها بیر فاکتی آچیقلاییب:

«ایستالین توکیودا فعالیت گؤسترن پئشکار کشفیاتچی، معلومات توپلاماق اوچون سئوگی ماجرالاریندان مهارتله ایستیفاده ائد‌ن ریخارد زورگئنی ده ییخیب-سورومکدن چکینمدی.

– بو یاراماز یاپونییادا فابریک، فاحیشه خانا ایشله‌دیر. ایندی ده دوروب دئییر کی، گویا آلمانلار ایونون ۲۲-ده هجوم ائد‌جکلر. من دوروب اونون دئدیینه اینانمالییام؟»

البته، ایستالین محاربه‌نین باشلایاجاغینی بیلیردی، لاکین بونون ۱۹۴۲-جی ایلده‌ن تئز اولاجاغینی دوشونموردو. اونا گؤره ده بو کشفیات معلوماتلارینی هر وجهله رد ائدیردی.

اصلینده، محاربه‌نین باشلاماسیندان بیر آی اول – مای آییندا اس اس ار ای-ده حربی تعلیم کئچیرمک آدی آلتیندا سفربرلیک اعلان ائدیلمیش و ۷۹۳ مین نفر اوردویا چاغیریلمیش، هامیسی دا غرب جبهه‌سینه یئرلشدیریلمیشدی لاکین بوتون بونلار ۴۲-جی ایله حاضرلیق ایدی. حتی ایستالین همین دؤنم سوویت ایکپ مرکزی کمیته‌سی سیاسی بوروسونون عضوو اولان خروششووا «خسته‌سن، گئت دینجل، اونسوز دا ۱۹۴۲-یه قدر محاربه اولمایاجاق»، - دئمیشدی.

اس اس ار ای اؤز اوردوسونو کمپلکتلشدیرمه‌یه باشلامیشدی و ۱۹۴۲-جی ایله جدی حاضرلیق گؤروردو. آنجاق هیتلر ۱۹۴۱-جی ایل ایونون ۲۲-ده هجوم ائتمکله ایستالینی قاباقلادی.