هیتلر آلمانییاسی بشریتی ایکینجی دونیا محاربه‌سینه سوروکله‌مکله برابر، اسیرلر اوزرینده غیری-اینسانی تجروبه‌لر کئچمکله ده تاریخین یادداشیندا قالیبلار. سایسیز-حسابسیز کونسلاگئرلرده اسیرلرین اوزرینده آپاریلان تجروبه‌لر اون مینلرله اینسانین حیاتینا سون قویموشدو. فاشیستلر اسیرلر اوزرینده کیمیوی سلاحین تجروبه‌سیندن توتموش، آغری کسیجی اولمادان عملیات قدر هر شئیی سیناقدان چیخاریرلار. اما فاشیست آلمانییاسیندا ایختیراع ائدیلمیش ائله شئی لر وار کی، بو گون ده دونیادا اونلاردان ایستیفاده ائدیرلر.

مثلاً، آنتی‌باکتریال پرپارات اولان سولفانیلامید. آلمان حکیملر ۱۹۴۲-جی ایلین ایولوندان ۱۹۴۳-جو ایلین سنتیابرینا قدر سولفانیلامید آدلی درمانین افکتیولیگی اوزرینده تجروبه‌لر کئچیریبلر. اونلار اسیرلری یارالاییر و بیلرک‌دن یارالارینا قانقرئنا باکترییاسی سالیردیلار. بعضا یارانی ایکی طرفدن سیخیب قانی ساخلاییر و ایچینه تاختا، یا دا شوشه قیرینتیسی سالیردیلار. سونرا یارانان اینفکسییانی سولفانیل و باشقا درمانلا معالیجه ائتمکله موقاییسوی شکیلده ان یاخشیسینی آشکارا چیخارماغا چالیشیردیلار. اما بوتون بو وحشیلیکلرین سونوندا دونیادا آنالوگو اولمایان سولفانیلامید آدلی درمانی آلا بیلیرلر.

و یا خیلاص ائتمه گؤدکچه‌سی. آلمان حکیم زیگموند راشئر داهاو و آوشویتس اسیر دوشرگه‌لرینده اونلارلا اسیرین اوزرینده آمانسیز سیناقلار آپاریردی. گؤره‌سن قفیل سویوقلاما نتیجه‌سینده نئجه خلاص اولماق اولار؟ اسیرلری سویوق سولارا آتیر، اونلارین بدن تمپراتولارینین نئجه آشاغی دوشدویو ایزلنیلیردی. راشئر معین ائتمیشدی کی، اینسان باشی سویون اوزرینده قالسا، او بیر مدت یاشایا بیلر. یعنی خیلاص ائدیجیلر گلنه کیمی. و بئله‌جه اوزون تدقیقاتلاردان سونرا باشی دیک ساخلایان خیلاص ائدیجی گؤدکچه‌لر ایستحصالا بوراخیلیر.

مالیارییایا قارشی واکسینلر ده محض اسیرلر اوزرینده آپاریلان تجروبه‌لر نتیجه‌سینده ایجاد ائدیلیب. کورت پلئتنر اسیرلری گونلرله مالیارییایا یولوخدورولموش آغجاقانادلارلا بیر اوتاقدا ساخلاییردی. آغجاقانادلاری ایسه اؤلدورمک اولمازدی. مینلرله اینسان بو تجروبه‌یه قوربان گئتمیشدی. سونوجدا پلئتنر واکسینی الده ائتمیشدی. محاربه‌دن سونرا پلئتنر بو وحشی تجروبه‌سینه گؤره، حبس ائدیلمیشدی. اما حبسده چوخ قالمامیشدی. هله اوسته‌لیک، فرایبورگ اونیورسیتتینه کافئدرا مودیری تعیین اولونموشدو.

«فولکسواگئن»این بو مودئلینی هیتلره تقدیم ائدنده چوخ بینمیشدی. ۱۹۳۷-جی ایلده هامیمیزین «فولکسواگئن ژوک» کیمی تانیدیغیمیز آوتوموبیلین کوتلوی ایستحصالی اوچون ۵۰ میلیون مارکا وسایت آییرمیشدی.

رئاکتیو موحریکلر ده فاشیست آلمانییاسینین ایختیراعسی‌دیر. موهندیس وئرنئر فون براون تدقیقاتلاری نتیجه‌سینده ایختیراع ائدیلمیش، هیتلر اوردوسونون صلاحلانماسیندا بؤیوک رول اوینامیشدی.

و نهایت «فانتا». بو ایچکی ده فاشیست آلمانییاسیندا کشف ائدیلیب. «فانتا»نین ایستحصالینا ۱۹۴۰-جی ایلده باشلانیلیب. هیتلر آمئریکا برئندی اولان «کوکا-کولا»یا ائمبارقو قویموشدو. آلمانییادا ایسه «کوکا-کولا»نین بؤیوک زاوودو واردی. محض بو عرفه‌ده آلمانییادا یاشایان آمئریکالیلار هیتلره «فانتا»نی تقدیم ائتدیلر. محاربه‌دن سونرا «فانتا» «تهئ جوجا-جولا جومپانی»-نین اساس مارکالاریندان بیرینه چئوریلدی.