ایستالینین آمئریکالی نوه‌سی عائله‌نی «بیابیر ائدیر». بو ایندیکی کومونیست پارتییا عضولرینین ایستالینین نوه‌سینه موناسیبتی‌دیر. نوه‌نین فاجئبووک شبکه‌سینه یوکلنه‌ن شکیللری روسییانین کوممونیست پارتییاسینین عضولرینده غضب اویادیب.

ایستالینین نوه‌سی کریس ائوانس آمئریکانین اورئقونئ ایشتاتیندا یاشاییر. شکیلده‌کی اورتا یاشلی قادین قورشاغینداکی کمره قانداللار، پلاستیک ایستکانلار، یومشاق آیی اویونجاغی باغلاییب. الینده اویونجاق سلاحلار وار، جیریق جورابلاری گؤرونه‌ن قیسا شالوار گئیینیب. بو شکیللری او، ۲۰۱۵-جی ایلده سوسیال شبکه‌یه یوکله‌ییب.
کریس ائوانسین باباسی فاشیستلری مغلوب ائتدی، سووئت اتفاقینی صنایع دؤولتینه چئویردی، لاکین هم ده اؤزوندن سونرا دهشتلی رقملر قویوب گئت‌دی: رپرسسییا و آجلیق نتیجه‌سینده اؤلن اون میلیونلارلا اینسان. بو فاجیوی حادثه‌لرین عکس-سداسی ائوانسین یاشادیغی اورقونون پورتلند شهرینه گئدیب چیخا بیلردیمی؟

سون ایللر کریس ائو آکسئسسوارلاری ساتیلان ماغازا ایداره ائدیر و موصاحیبه وئرمک‌دن اوزاق دورور. لاکین ۲۰۱۱-جی ایلده آناسینین اؤلوموندن سونرا نهایت ژورناللاردان بیرینه موصاحیبه وئریب باباسینی «جاناوار» آدلاندیریر.
قادینین ایندی ۴۳ یاشی وار. ایندیکی آدی کریس ائوانسدیر. دوغولوشدا ایسه اونا اولقا پترس آدی وئرمیشدیلر. کریس ائوانس ایستالینین قیزی سوئتلانا آللیلویئوا ایله اویلیام پترسین قیسا چکه‌ن نیکاهیندان دونیایا گلیب.

سوئتلانا آللیلویئوا ۲۰۱۱-جی ایلین نویابریندا آمئریکاداکی بیر قوجالار ائوینده وفات ائد‌نده آرتیق اون ایلده‌ن چوخ ایدی کی، لانا پترس آدی داشیییردی...
او ایلک دفعه آدینی سویوق محاربه‌نین ان قیزغین واختیندا سسری-دن قاچدیقدان سونرا آمئریکادا سیاسی سیغیناجاق ایسته‌یه‌نده دییشمیش‌دی.

کیچیک یاشلی قیزی اولقا دا آدینی سئومیر و اؤزونه کریستینا آدینی سئچیر. لاکین آدلاری بو قدر دییشه‌ندن سونرا بئله ژورنالیستلر گلیب اونلاری تاپیر. آنا-بالا یالنیز اینگیلتره‌ده ساکیت حیات یاشایا بیلردیلر. لانانی روسییا ایله باغلایان یگانه باغ سسری-ده و خاریجده فیرتینالی بیر حیات یاشامیش آناسینین خاطره‌سی ایدی. آناسینین ۵ اری اولموشدو، دایما اونو ک.ق.ب و مکی (مرکزی کشفیات ایداره‌سی) تعقیب ائدیردی.
سوئتلانا و یاخود دا اؤزونون یازدیغی کیمی لانا سویوق محاربه‌نین سیموولو ایدی. سوئتلانا قیسا بیر مدت پرینستون اونیورسیتتینده درس دئییر. ادبی قونورارلارینین حسابینا موختلیف اؤلکه‌لرده یاشاییر. یالنیز ۱۹۷۸-جی ایلده آمئریکا وطنداشلیغی آلیر.

۱۹۸۴-جو ایلده غربده یاشاماقدان یورولان قادین سسری-یه قاییتماغا جهد ائدیر. لاکین نه سوئتلانانی، نه اونون قیزینی آتاسینین (ایستالینین) قوردوغو اؤلکه‌نین کانداریندان ایچری بوراخمیرلار. آمئریکادا ائوانس موحاسیب ایختی‌ساسینا ییه‌لنیر. دوستلاری دایما اونو ژورنالیستلرین سؤز-صحبتیندن قورویور: «اونون سسری حاقدا دئیه‌جک بیر سؤزو یوخدور».
آناسی دا یئتکینلیک یاشینا چاتمامیش قیزینی دایما باباسی حاقدا دانیشماقدان چکیندیریر. اؤزو ایسه قوجالار ائوینده اؤلور.

قامبورگرلری سئوه‌ن بو قاری همیشه روسییا حاقدا دوشونه‌نده بوشلوق حیس ائدیردی. آناسینی دوشونه‌نده ایسه غصه‌له‌نیردی. ایستالینین آروادی اولان آناسی سوئتلانانین ۶ یاشی اولان‌دا اینتیحار ائتمیشدی. ائوانس دئییر کی، اونون عائله‌سینی ایستالین محو ائدیب، عائله اولمازین اذیتلر چکیب، آناسینین بیرینجی سئوگیلیسی ده دوشرگه‌یه گؤندریلیب.
ائوانسین آچیقلامالاری روسییانین کومونیست پارتییاسینین عضولری آراسیندا سرت هیددت یارادیر. «سیاسی بورونون گلن ایجلاسیندا بیز ایستالینین نوه‌سینه ائستراواقات چیخیشلارینی کسمک و بؤیوک اینسان اولان باباسینی روسوای ائتمه‌مک طلبی ایله مکتوب گؤندره جه ییک» دئیه پارتییانین عضولریندن بیری دئییب. حتی اونلار کریس ائوانسی «آمئریکا ایمپریالیزمی» ایله موباریزه‌یه قالخماغا و زنجیلرین حاقلارینی مدافعه ائتمه‌یه چاغیریبلار.

ائوانسسا حساب ائدیر کی، اونون عائله‌سی یئترینجه عذاب چکیب. هم ده یالنیز ایستالینین الیندن یوخ: «آداملار ایستالینین گوناهلارینی منیم آناما یازیردیلار. ایش او یئره چاتدی کی، بعضی مقاملاردا او، اؤزونو گوناهکار حیس ائدیردی».

موصاحیبه‌سینده کریس بورش حاضیرلاماغی سئودیینی دئییر. بورشون قوخوسو اونا آناسینی خاطیرلادیر...