کولت. آز موساق یاقوبون شعرینی تقدیم ائدیر:

قاپین‌دا اییلیب سوالا دؤندوم،
سن‌دن آلاجاغیم جاوابا گؤره.
اللهیم هئچ سنه عذاب وئرمه‌سین،
سن منه وئردیین عذابا گؤره.

اوزوب هر اومیددن علی‌می سن‌سیز،
دونیانین گئدی‌می،گلی‌می سن‌سیز،
داها ایستهمیرم کؤن‌لومو سن‌سیز،
باخیب بیگانه‌لر خارابا گؤره.

دوشمزمی گوزاریم بیر دوست باغینا،
سئودا چیچکلریم دوشوب قیرغینا،
یامانجا توش اولدوم ائل قیناغینا،
تسل‌لی تاپدیغیم شرابا گؤره.

ائله بیل اورکلر داش‌دی،دمیردی،
بیر اوزو آغ کول‌دو،بیری کؤموردو،
ایلاهی، بو نئجه یالقیز عؤموردو،
قویمارام بو اؤمرو حسابا گیره.

اؤز عشقیم یولون‌دا صادق جانام من،
هئیف اولدوم،هم یانان،هم یامانام من.

بلکه ده، بیرینجی موسلمانام من،
جهنم چکیرم ساوابا گؤره...
اللهیم هئچ سنه عذاب وئرمه‌سین،
سن منه وئردیین عذابا گؤره.